Zaqatala rayonu "14 nömrəli Yol İstismarı" MMC-nin rəisi Süleyman Süleymanovun haqqında yayılan məlumatlar həqiqəti əks etdirmir - MÖVQE

olke

17:26 14.07.2026 66

Ölkədə həyata keçirilən genişmiqyaslı islahatlar dövlət idarəçiliyinin bütün sahələrində olduğu kimi, avtomobil yolları təsərrüfatında da yeni mərhələnin əsasını qoyub. Azərbaycan Avtomobil Yolları Dövlət Agentliyində (AAYDA) yeni rəhbərliyin fəaliyyətə başlamasından sonra şəffaflığın, səmərəliliyin və məsuliyyətin artırılması istiqamətində ardıcıl addımlar atılır. Bu proses regionlarda fəaliyyət göstərən yol istismarı müəssisələrini də əhatə edir. Zaqatala rayonunda fəaliyyət göstərən 14 nömrəli Yol İstismarı MMC-də də aparılan struktur və idarəetmə yenilikləri kollektivdə yeni işgüzar mühitin formalaşmasına, qarşıya qoyulan vəzifələrin daha məsuliyyətlə yerinə yetirilməsinə xidmət edir.

Lakin hər bir islahat dövründə olduğu kimi, bu prosesdən narazı qalan müəyyən şəxslərin də mövcudluğu istisna deyil. Belə ki İxtisar tədbirlərindən qorxan iki nəfər idarə əməkdaşının təşkil etdiyi bir iş rəhbərliyin işgüzar fəaliyyətinə kölgə sala bilməz. Bununla belə, bu cür iddiaların obyektiv araşdırılması və yalnız faktlara əsaslanaraq qiymətləndirilməsi vacibdir. İslahatların əsas məqsədi şəxsi maraqları deyil, dövlətin və cəmiyyətin mənafeyini təmin etməkdir. Məhz buna görə də hər hansı ittiham yalnız hüquqi sübutlarla təsdiqləndiyi halda qəbul edilə bilər, əks halda əsassız iddialar islahatların mahiyyətinə kölgə sala bilməz.

Zaqatala rayon "14 nömrəli Yol İstismarı" MMC-nin rəisi Süleyman Süleymanovu tanıyanlar tanıyır, tanımayanlar üçün ərz edirik ki, o vətəni, dövləti, xalqı uğrunda tər tökən əqidə adamıdır. Müdriklər demişkən, “Xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, nümunəvi təşkilatcı- rəhbər Zaqatala rayonu "14 nömrəli Yol İstismarı" MMC-nin rəisi Süleyman Süleymanovdur.

...Bu gün rayonda onu hamı tanıyır. Bəli, hər kəs onu tanıyır, sevir və dəyərləndirir. Onu sevənlər və ona rəğbət bəsləyənlər illərdir ki, bu adamı harada işləməyindən asılı olmayaraq peşəkar kadr kimi məşğul olduğu sahələrdə, ictimai-siyasi prosesdə aparıcıl şəxslərdən biri kimi qiymətləndirir. Onun həyat yoluna diqqət yetirəndə sadədən aliyə doğru pillə-pillə, tədricən, haysız-küysüz yüksəldiyini, ucaldığını görürsən. O, bu ucalmağa, yüksəlməyə yorulmaq bilmədən çalışması, zəhməti, yuxusuz gecələri hesabına nail olmuşdur.

Zaqatala rayon "14 nömrəli Yol İstismarı" MMC-nin rəisi Süleyman Süleymanov rayonda uzun illərdir hörmət və nüfuz qazanan, ağsaqqallığı ilə seçilən ailələrdən birinin nümayəndəsidir. Onun rəhbərlik etdiyi kollektivdə formalaşdırdığı işgüzar mühitlə yanaşı, ailə dəyərlərinə bağlılığı da ətrafındakılar tərəfindən yüksək qiymətləndirilir. Həyat yoldaşı uzun illərdir səhiyyə sahəsində çalışan həkim, qızı da həkim peşəsini seçərək insanların sağlamlığının keşiyində dayanır. Oğlu isə yüksək nəticə göstərərək 685 balla ali məktəbə qəbul olunmuş, kimya mühəndisliyi ixtisası üzrə ali təhsil almışdır. Hazırda ixtisasına uyğun olaraq nüfuzlu bir şirkətdə mühəndis və şöbə müdiri vəzifəsində çalışır. Bu ailənin hər bir üzvünün elmə, zəhmətə və cəmiyyətə xidmətə verdiyi önəm Süleyman Süleymanovun timsalında formalaşmış ailə ənənələrinin, düzgün tərbiyənin və mənəvi dəyərlərin təzahürü kimi dəyərləndirilə bilər. Bu baxımdan, Süleyman Süleymanov təkcə rəhbər kimi deyil, həm də nümunəvi ailə başçısı və cəmiyyət içərisində hörmət qazanan ziyalı şəxsiyyət kimi tanınır.

Cənablar, sizin isə belə davranışlarınız ictimaiyyət tərəfindən ikrahla qarşılanır. Əslində belə "tənqidlər"də həqiqət yükü olmadığına görə reaksiya verən də olmur. İnsanlar belə acıqlamalara dodaq büzür və sifariş adlandırırlar. Axı, görməyə göz hamıda var. Yetər ki, yaxşını yaxşı görməyə istək olsun! Utanın cənablar, utanın!

Azərinform.az

Oxşar xəbərlər