Azərbaycanla bu ölkə arasında viza tələbi ləğv edilir

Azərbaycanla Ekvador arasında diplomatik, rəsmi və xidməti pasport sahibləri üçün viza tələbi ləğv edilir. 

Bakupost.az xəbər verir ki, bununla bağlı "Azərbaycan Respublikası Hökuməti ilə Ekvador Respublikası Hökuməti arasında diplomatik, rəsmi və xidməti pasport sahiblərinin viza tələblərindən azad edilməsi haqqında Saziş"in təsdiqi məsələsi Milli Məclisin bugünkü plenar iclasında müzakirə olunub.

Bildirilib ki, saziş hər iki ölkənin diplomatik, rəsmi və xidməti pasportlara malik vətəndaşlarının qarşılıqlı səfərləri zamanı viza tələbindən azad olunmasını nəzərdə tutur.

Məsələ bir oxunuşda qəbul edilib.