Bütün xəbərlər

ZİYALILAR PREZİDENT ADMİNİSTRASİYASINA MÜRACİƏT ETDİLƏR - Reklam Agentliyinin rəhbərliyi məsuliyyətə cəlb ediləcəkmi?

ZİYALILAR PREZİDENT ADMİNİSTRASİYASINA MÜRACİƏT ETDİLƏR - Reklam Agentliyinin rəhbərliyi məsuliyyətə cəlb ediləcəkmi?

Bu ilin fevral ayında 30-u professor olmaqla, 100-dən çox alim, incəsənət xadimi, ümumilikdə mindən artıq ziyalı Prezident Administrasiyasının Humanitar siyasət məsələləri şöbəsinin müdiri Fərəh xanım Əliyevaya müraciət edərək Bakının əcnəbi dillərin “işğalından” azad edilməsinə yardım etməsini xahiş etmişdi. Həmin müraciət Bakı Şəhər İcra Hakimiyyətinə göndərilib.

Amma Bakı Şəhər İcra Hakimiyyəti və Azərbaycan Respublikası Dövlət Reklam Agentliyinin əməkdaşlarından ibarət komissiya problemin həlli istiqamətində heç bir addım atmadığı üçün müraciəti imzalayan ziyalıların nümayəndələri Prezident Administrasiyasına yenidən müraciət edərək humanitar siyasət məsələləri şöbəsinin müdiri Fərəh Əliyeva ilə görüşmək istədiklərini bildiriblər.

Müraciət edən ziyalılar qeyd edib ki, bundan əvvəl sonuncu dəfə fevral ayının 21-də edilən müraciətdən sonra mart ayının 17-də BŞİH və Azərbaycan Respublikası Dövlət Reklam Agentliyinin (ADRA) nümayəndələri bizimlə paytaxtın Rəsulzadə küçəsində monitorinq keçirib. Lakin monitorinq zamanı aşkarlanan pozuntular aradan qaldırılmayıb.

Müraciətdən sitat: “Rəsulzadə küçəsində 42 ticarət və xidmət obyektindən 40-da Azərbaycan dilindən istifadə edilməyib. ADRA nümayəndələri sahibkarlıq subyektlərindən problemi aradan qaldırmaq, ”Azərbaycan Respublikasında dövlət dili haqqında" AR Qanununa (maddə 7.1.) əməl edilməsini tələb etmək əvəzinə, bütün bu pozuntuların qanuni olduğunu izah etməyə çalışdılar. Məlum oldu ki, bu strukturun əməkdaşları bəlli qanun pozuntularını aradan qaldırmaq üçün heç bir tədbir görmək niyyətində deyillər".

Müraciəti Bakı Dövlət Universiteti, “Ərəb filologiyası” kafedrası, professor Aida Qasımova, AMEA-nın müxbir üzvü, Asiya Fəlsəfə Assosiasiyasının vitse-prezidenti Könül Bünyadzadə və “Filoloji Araşdırmalar və Dil Monitorinqi Mərkəzi” İctimai Birliyinin sədri Vasif Sadıqlı imzalayıb.

Azərbaycan Respublikası Dövlət Reklam Agentliyi (ADRA) müraciətə hər hansı reaksiya verməkdən imtina edib.

Bakı Şəhər İcra Hakimiyyətindən isə bildirilib ki, bir müddət bundan əvvəl müraciət edənlərlə birgə komissiya yaradılıb, reydlər keçirilib: “Bizə olunan müraciətlə bağlı görüş keçirilib və Reklam Agentliyinin də daxil olduğu birgə komissiya yaradılıb. Novruz bayramından sonra komissiya müraciət edən ziyalılarla birlikdə Bakının müəyyən küçələrində keçirilən reydlərdə olub. Reydlər zamanı ayrı-ayrı ticarət mərkəzlərinin rəhbərləri ilə söhbətlər də aparılıb”.

Xatırladaq ki, ötən il də xeyli sayda ziyalı Bakının əcnəbi dillərin “işğalından” azad edilməsi ilə bağlı Azərbaycan Yazıçılar Birliyinin sədri, Dövlət Dil Komissiyasının sədr müavini Anar Rzayevə, Azərbaycan Respublikası Milli Məclisinin Mədəniyyət komitəsinin sədri Qənirə Paşayevaya, Bakı Şəhər İcra Hakimiyyətinin başçısı Eldar Əzizova, yüzdən artıq millət vəkilinə müraciətlər etmişdi.

Ancaq heç bir nəticəsi olmayıb. Bakı küçələrində əcnəbi dillərdə reklam və elanlar nəinki azalıb, əksinə daha da çoxalıb. Bunu hər addımda görmək mümkündür.

Belə görünür ki, Dövlət Reklam Agentliyinin əməkdaşları ya problemi həll etmək gücündə deyillər, ya da bu onlara rüşvət yığmağa imkan verdiyindən Bakı küçələrini əcnəbi dillərin “işğal etməsinə" bilərəkdən göz yumurlər. Belə isə məsələyə artıq hüquq-mühafizə orqanları müdaxilə etməlidir. Dövlət Reklam Agentliyinin rəhbərliyinin də məsuliyyətə cəlb edilməsinin zamanı çatıb...
loading...
SORĞU
Оцените работу движка
Лучший из новостных
Неплохой движок
Устраивает ... но ...
Встречал и получше
Совсем не понравился

Təşkilatcı rəhbər, gözəl insan və əsl Vətən daş - Təhsil Nazirliyinin Təsərrüfathesablı Əsaslı Tikinti və Təchizat İdarəsinin rəisi Anar Axundov
Toy mərasimlərinin keçirilməsinə bu qurumlar nəzarət edəcək
BU TARİXDƏN TOY və NİŞANLARA İCAZƏ VERİLDİ - Keçirilməsi qaydaları AÇIQLANDI
DİQQƏT!!! "Reket jurnalist" Gürşad Vəliyev! Onu hamı tanısın!
AZƏRBAYCANDA YOLUXMA VƏ ÖLÜM SAYLARI ARTDI - Günün koronavirus statistikası
ƏN ÇOX OXUNANLAR
FOTOFAKT
DİQQƏT!!! "Reket jurnalist" Gürşad Vəliyev! Onu hamı tanısın!
Bakıda yeni doğulmuş körpəni zibil yeşiyinə atdılar
Bakının Yasamal rayonunda gülünc mənzərə – Problem zibillikdən daha betərdir…
Avropa oyunlarında Gürcü idmançının cinsi orqanını dişlədiyinə görə idmandan birdəfəlik qavuldulan ERMƏNİ Avropa Appelyasiya Məhkəməsini necə uddu?
Agcəbədidə blıqlar qırılır