Göygöl rayonunda kənd təsərrüfatı ilə bagli görülən işlər realliqdan xəbər verir

Oqeyd etdi ki, ölkəmizdə kənd təsərrüfatının inkişafı, fermerlərin fəaliyyətinin stimullaşdırılması və aqrar sahədə məhsuldarlığın artırılması dövlət siyasətinin əsas istiqamətlərindən biridir. Bu baxımdan Göygöl rayonunda da kənd təsərrüfatı istehsalının genişləndirilməsi, torpaq və su ehtiyatlarından səmərəli istifadə olunması, müasir aqrotexniki qaydaların tətbiqi və təsərrüfat sahiblərinin maarifləndirilməsi istiqamətində mühüm tədbirlər həyata keçirilir.

Azər Hacıyev bildirdi ki, Dövlət Aqrar İnkişaf Mərkəzinin (DAİM) əsas vəzifələrindən biri fermerlərlə sıx əməkdaşlıq etmək, onların qarşılaşdıqları çətinliklərin həllinə dəstək göstərmək və dövlət tərəfindən təqdim olunan imkanlar barədə ətraflı məlumat verməkdir. Bu məqsədlə kənd təsərrüfatı istehsalçıları ilə mütəmadi görüşlər keçirilir, subsidiya mexanizmləri, əkinlərin bəyan edilməsi, toxum və gübrələrdən düzgün istifadə, habelə bitkilərin xəstəlik və zərərvericilərdən qorunması ilə bağlı tövsiyələr verilir.

Onun sözlərinə görə, Göygöl rayonunun torpaqiqlim şəraiti burada müxtəlif kənd təsərrüfatı sahələrinin inkişafı üçün geniş imkanlar yaradır. Əkinçilik və heyvandarlıqla məşğul olan fermerlərin bu imkanlardan səmərəli istifadə etməsi, istehsal prosesində müasir texnologiyalara üstünlük verməsi və məhsulun keyfiyyətinin yüksəldilməsi xüsusi əhəmiyyət daşıyır. DAİM əməkdaşları da öz növbəsində təsərrüfatlarda aqrotexniki tədbirlərin düzgün aparılması, məhsuldarlığın artırılması və fermerlərin dövlət dəstəyindən yararlanması üçün müvafiq məsləhət və tövsiyələr verirlər.

Azər Hacıyev vurğuladı ki, aqrar sahənin davamlı inkişafı yalnız istehsalın artırılması ilə məhdudlaşmır, eyni zamanda kənd əhalisinin məşğulluğunun genişləndirilməsi, fermerlərin gəlirlərinin yüksəldilməsi və ərzaq təhlükəsizliyinin möhkəmləndirilməsi baxımından da mühüm əhəmiyyət kəsb edir. Qarşıda duran əsas vəzifə dövlət proqramlarından irəli gələn tədbirlərin ardıcıl həyata keçirilməsi, fermerlərlə əməkdaşlığın daha da gücləndirilməsi və Göygöl rayonunun kənd təsərrüfatı potensialından maksimum səmərə ilə istifadə olunmasıdır.