Çində “Chikungunya” virusu yayılıb – Fövqəladə vəziyyət elan edilib

Çinin cənubundakı Guangdong əyalətinin Jiangmen şəhərində çəyitgə (Chikungunya) virusuna yoluxma hallarında kəskin artım müşahidə olunub. Yoluxanların sayı 1 714 nəfərə çatıb. Səhiyyə rəsmiləri bölgədə 3-cü səviyyəli ictimai səhiyyə fövqəladə vəziyyəti elan ediblər.

Bizimyol.info xəbər verir ki, səhiyyə qurumlarının verdiyi məlumata görə, indiyə qədər qeydə alınan bütün hallarda xəstəliyin yüngül keçdiyi, ağırlaşma və ya ölüm faktının qeydə alınmadığı bildirilib.
Çəyitgə — elmi adı ilə "Chikungunya" — ağcaqanad vasitəsilə yayılan virusdur. Xəstəlik ilk dəfə Afrikada aşkarlansa da, son illərdə tropik və subtropik bölgələrdə, xüsusilə Asiyada geniş yayılmağa başlayıb.
Virusun əsas daşıyıcıları Aedes aegypti və Aedes albopictus növünə aid ağcaqanadlardır. Yoluxmuş şəxsdə xəstəlik adətən aşağıdakı simptomlarla müşayiət olunur:

• Qızdırma
• Şiddətli oynaq və əzələ ağrısı
• Baş ağrısı, ürəkbulanma
• Yorğunluq və səpkilər
• Çin hakimiyyəti hansı tədbirləri görür?

Jiangmen şəhərində yerli orqanlar virusun yayılmasının qarşısını almaq üçün aşağıdakı tədbirləri həyata keçirir:

• Sivrisinek məhv etmə və dezinfeksiya işləri aparılır.
• Yoluxmaların aktiv monitorinqi gücləndirilib.
• Əhaliyə şəxsi qoruyucu tədbirlər barədə maarifləndirici çağırışlar edilir.

Tibb müəssisələri virusun vaxtında aşkarlanması və müalicəsi üçün hazır vəziyyətə gətirilib.
Epidemioloqlar hesab edirlər ki, çəyitgə kimi virusların yayılmasında iqlim dəyişikliyi, urbanizasiya və yeni bölgələrə səyahət kimi amillər əsas rol oynayır. Xəstəliyin qarşısını almaq üçün həm şəxsi gigiyenaya, həm də ictimai sağlamlıq tədbirlərinə ciddi yanaşmaq tövsiyə olunur.
Hazırda vəziyyət nəzarət altındadır, lakin yerli əhali və səyahət edənlərə ağcaqanad dişləmələrindən qorunmaq üçün tədbir görmək tövsiyə edilir.