Saytlar niyə şantaj etmək yolunu tutub? - Sektor müdiri Rəvan Teymurov təkzib edir

olke

17:27 24.04.2025 793

Ölkədə baş verənləri davamlı olaraq doğru-dürüst araşdırıb ictimaiyyəti dolğun məlumatlandıran KİV-lərin sayı günbəgün azalmaqdadır. Əslində özünü qərəzsiz hesab edən KİV istənilən situasiyada onu izləyənləri heyrətləndirməyi bacarmalıdır. Müasir jurnalistika texniki imkanlardan yararlanmaqla ən gizli saxlanılmış mövzuları cəmiyyətin üzünə açmaq iqtidarında olmalıdır. İctimaiyyətə təqdim olunan istənilən mövzu səmimi və qərəzsiz olmalıdır. Ancaq çox təəssüf ki, günümüzdə özünə əziyyət vermədən, heç bir araşdırma-filan aparmadan, qeyri ciddi yazılar dərc edib, özünü cəmiyyətə operativ və qərəzsiz medya nümayəndəsi kimi sırıamaq istəyənlər var.

Bütün bu gülünc hücumlarda, qərəzli acıqlamalarda “kənar əl”, “şeytan barmağı”, “xüsusi maraq” dərhal hiss olunur. Diqqət yetirdikdə acıqlamaların qurama, şişirdilmiş olduğu tamamilə aydın olur. Burada "alim" olmağa ehtiyac yoxdur. Hər şey gün kimi aydındır. Yaxşı, əgər obyektivlikdən söhbət gedirsə onda nədən əyriyə düz, düzə əyri deyilir? Əgər dəqiq, qərəzsizlikdən söhbət gedirsə, onda harda qaldı bu qərəzsizlik? Bu yazılanların qərəzlə ortaya çıxdığını kimsə də bilməsə biz bilirik. Onu da bildirək ki, uzun müddətdir xarab olmuş qramafon valı kimi eyni mövzunu təkrarlayan jurnalistlər isə hələ də yeni hec nə araşdırıb ortaya qoya bilmirlər. Halbuki, həmin çeynənmiş acıqlamalarda göstərilən şər və böhtan xarakterli məlumatlar redakciyamıza müraciət edən 11 saylı Regional Ekologiya və Təbii Sərvətlər İdarəsinin Ətraf Mühütün mühafizəsi sektorunun müdiri Rəvan Teymurovun haqqında iftira və böhtanlar kimi məhkəmə predmeti ola bilər və nəticəsi hec də həmin jurnalistlər ücün yaxşı bitməz.

Azerinform.az-a müraciət edən 11 saylı Regional Ekologiya və Təbii Sərvətlər İdarəsinin Ətraf Mühütün mühafizəsi sektorunun müdiri Rəvan Teymurov bildirir ki, özünü jurnalist kimi təqdim edən şəxs ona telefon acaraq bildirib ki, guya Xətai rayonu Cavanşir küçəsi 295 ünvanında inşa edilən obyekt ona aiddir və adına sənədləşdirilib: "Mən ona etiraz etdim, bildirdim ki, həmin obyektin mənimlə hec bir əlaqəsi yoxdur. Dedim ki, görüşək, sənədimi sənə göstərim, aydınlaşdiraq, sonra nə istəyirsən yaz... Ancaq o, elə bir əmlakim olmadıgını bildirsəm də jurnalistler müəyyən maddi-maraq qarşılıgında məni şantaj etmək yolunu tutdular. Bir daha saytların bu günkü sayında dərc olunmuş "ETSN-də işləyən məmur paytaxta obyekt tikdirib? - FOTOFAKT" sərlövhəli tənqidi yazıda şəxsimə göstərilən faktları təkzib edir, hec birinin mənə aidiyyatı olmadıgını bildirirəm."

Tam səmimiyyətlə demək istəyirik ki, 11 saylı Regional Ekologiya və Təbii Sərvətlər İdarəsinin Ətraf Mühütün mühafizəsi sektorunun müdiri Rəvan Teymurovun bizim müdafiəmizə ehtiyacı yoxdur. Sadəcə, onun barəsində şər və böhtan xarakterli informasiyalar yayan jurnalistlərə xatırlatmaq istəyirik ki, bizlərə məlumdur ki, bu cızma-qaraları kimlər nə məqsədlə yaydırır. Ancaq bu dərəcədə olmaz. Ziyalı olan bir insana qarşı bələ münasibət yolverilməzdir. Unutmayın, bu davranışlar ictimaiyyət tərəfindən ikrahla qarşılanır. Əslində bu yayılanlarda həqiqət yükü olmadığına görə reaksiya verən də olmur. İnsanlar belə acıqlamalara dodaq büzür və sifariş adlandırırlar.

Yayılan böhtanlarda diqqət çəkən və əslində həm də bütün yayılanları ifşa edən başqa bir məqam da var. Görəsən bu adamlar niyə köhnə palan işi tökürlər? Niyə qarışqanı filə döndərmək bu adamlar üçün peşəyə çevrilib, indi də nala-mıxa vurub 11 saylı Regional Ekologiya və Təbii Sərvətlər İdarəsinin Ətraf Mühütün mühafizəsi sektorunun müdiri Rəvan Teymurovu şantaj etmək yolunu tutublar. Görməyə göz hamıda var. Yetər ki, düzü düz görməyə istək olsun!

Azərinform.az

Oxşar xəbərlər