Xırdalan şəhər 1 saylı orta məktəbində NƏ BAŞ VERİR ...

olke

13:41 5.04.2025 1 061

Bu günlərdə mətbuatın az qala manşetinə daşınan bir xəbər haqqında "Azerinform.az" olaraq biz də araşdırma apardıq. Məsələ belədir ki, Xırdalan şəhər sakini Ramin Ağayev övladının məktəb direktoru tərəfindən döyüldüyünü iddia edir. Valideyn bildirir ki, övladı Xırdalan şəhər 1 saylı orta məktəbin 5D sinfində oxuyur. Məktəbli dekabrın 18-də təhsil ocağının direktoru Arifə Balakişiyeva tərəfindən döyülüb.

Qeyd edək ki, hadisə ilə bağlı polisə, təhsil şöbəsinə və prokurorluğa müraciət edilib.

Əldə etdiyimiz məlumata görə, müraciətlə bağlı Abşeron Rayon Prokurorluğunda aparılan araşdırma zamanı toplanmış materialda cinayət hadisəsi müəyyən edilmədiyindən həmin hissədə Azərbaycan Respublikasının CPM-nin 39.1.1-ci maddəsinə əsasən, cinayət işinin başlanması rədd edilib.

Bütün bunlara baxmayaraq valideyn razılaşmayıb şikayətini davam etdirir.

Hazırda övladının həmin məktəbdə oxuduğunu deyən R.Ağayev hadisədən sonra müəllimlərin uşağın qiymətini kəsməsindən şikayətlənir: “Mən övladımı məktəbindən, sinif yoldaşlarından ayırmaq istəmədim. Onsuz da o hadisədən sonra övladım travma alıb. Hadisə ilə bağlı gəlib bizə məlumat verdiyi üçün indi də müəllimlər uşağıma təzyiq göstərir, onun qiymətini kəsirlər”.

Məsələ ilə bağlı Abşeron-Xızı Regional Təhsil İdarəsindən araşdırma aparılıb və belə hadisənin baş vermədiyi deyilir.

Mövzunu diqqət mərkəzində saxlayacağıq.

Azerinform.az

Oxşar xəbərlər