Kübarlıqla şəfqətin vəhdətini yaradan həkim...

Yaxşı, savadlı, vicdanlı mütəxəssis tapmaq elə də asan deyil. Elmi, texnoloji yeniliklərlə bərabər səhiyyə də yenilənir, müasirləşir. Son illər səhiyyədə müxtəlif sahələr əmələ gəlib. Plastik, estetik cərrahiyyə də bura daxildir. İnsanlar təbii və sonradan yaranmış qüsurlarını düzəltmək üçün estetik cərrahlara çox müraciət edirlər. Estetik cərrahların sayı az deyil. Mənim də tanıdığım, güvəndiyim biri var- Piriyeva Günəş Abuzər qızı. Dr Piriyeva 2009-cu ildə Azərbaycan Tibb Universitetini bitirib. Ali təhsilli həkimdir. Ölkənin müxtəlif tibb ocaqlarında işləyib. Gənc olmasına baxmayaraq Azərbaycanın tanınmış estetik cərrahlarından biridir.

Təsadüfi deyil ki, pasiyentlərinin arasında tanınmış simalar, incəsənət adamları da var. Səhnə adamları öz zahiri görünüşlərindəki dəyişiklikləri Günəş xanıma etibar edirlərsə, bu özü də bir müsbət göstəricidir. Xəstələrinin rəyləri, söhbətləri də çox xoş, müsbətdir. Mən də bu xoş auralı, gülərüz, işinin sənətkarı olan Günəş həkimə bundan sonrakı fəaliyyətində daim uğur arzu edirəm.

Bildiyimə görə Günəş Piriyevanın anası da həkimdir. ARZU doktor da bacarıqlı, bilikli tibb mütəxəssisi kimi illərini səhiyyəyə sərf edib. Həm də evində, ailə ocağında öz davamçısını böyüdərək xalqa bəxş edib.

Sima BABAYEVA