Akademik İbrahim Cəfərovla bağlı Qazaxıstandan xoş xəbər

Bitki Mühafizə və Texniki Bitkilər Elmi-Tədqiqat İnstitutunun direktoru, akademik İbrahim Cəfərov Qazaxıstan Aqrar Elmlər üzrə Milli Akademiyanın Rəyasət Heyətinin Qərarı ilə həmin akademiyanın Xarici üzvü kimi akademik seçilib.

BİA.az məlumat verir ki, bu barədə xəbəri akademik İbrahim Cəfərov özünün şəxsi sosial media hesabında yazıb və sözügedən təltiflə bağlı məktubu paylaşıb.

Akademik yazıb:

"Dəyərli dostlar, qardaş Qazaxstandan xoş xəbər var. Aqrar Elmlər üzrə Milli Akademiyanın Rəyasət Heyətinin Qərarı ilə həmin akademiyanın Xarici üzvü kimi akademik seçildim. Xəbəri və rəsmi məktubu bu gün almışam. Mətn burada yerləşdirilmişdir".



Biz də Akademik İbrahim Cəfərovu səmimi qəlbdən təbrik edir, elmi işlərində yeni-yeni uğurlar, bitib tükənməyən nailiyyətlər arzulayırıq.