Cəmiyyəti ədalətsizlik virusuna yoluxdurmayın – Müşviq Məmmədov haqqında yazılanlara CAVAB
---
16:28
5.11.2025
123
Ölkədə son illər informasiya bolluğu artdığı kimi, təəssüf ki, qərəzli, sifarişli və araşdırılmamış materialların sayı da çoxalır. Bəzən bu cür yazılar, cəmiyyətin etibarını qazanmış, ictimai nüfuzu yüksək olan şəxslərə qarşı yönəlir. Son günlər Nəsimi rayon İcra Hakimiyyətinin rəsmisi Müşviq Məmmədov haqqında bəzi saytlarda yayılan qərəzli yazılar buna bariz nümunədir. Biz, Azərinform.az olaraq bu yazılara münasibət bildirməyi özümüzə borc bilirik — çünki jurnalistika obyektivlik, vicdan və araşdırma üzərində dayanmalıdır.
Jurnalistika – həqiqətin axtarışı, böhtanın aləti deyil
Əsl jurnalist istənilən situasiyada izləyicisini fakt və sübutla heyrətləndirməyi bacarmalıdır. Müasir media texnologiyaları sayəsində gizli qalan həqiqətləri üzə çıxarmaq mümkündür. Amma çox təəssüf ki, bu imkanlardan yararlanmaq əvəzinə, bəziləri “senzasiya” xətrinə qərəzli yazılar dərc etməyi üstün tutur. Nəsimi rayon İcra Hakimiyyətinin rəsmisi Müşviq Məmmədovu tanıyanlar yaxşı bilirlər: o, sadə, səmimi, əqidəli və dövlətinə sədaqətli bir insandır. Onun məsul olduğu sahədə hər iş nümunəvi sayılır. Məhz ona görə də Müşviq müəllim həmişə rəhbərliyin aparıcı işci kimi etimadını doğruldub. Əməksevərliyi, intizamı, yüksək əxlaqi keyfiyyətləri və dürüst münasibəti onu həm kollektiv, həm də rayon ictimaiyyəti arasında hörmətli edib. Onun üçün vəzifə – imtiyaz yox, xidmət meydanıdır.
Köhnə palan içi: niyə eyni mövzular təkrarlanır?
Bəzi saytlar uzun müddətdir “köhnə valı” təkrarlayır. Bir dəfə yayılan təsdiqsiz məlumat, aylarla müxtəlif adlarla yenidən gündəmə gətirilir. Halbuki həmin məlumatlar nə hüquqi, nə də faktoloji əsas daşıyır. Oxucular artıq bu “çeynənmiş” yazılara etinasız yanaşır, onları sifarişli və məqsədli kampaniyalar kimi qiymətləndirirlər. Əslində bu davranış yalnız yazı müəlliflərinin özlərinə mənfi imic qazandırır. El arasında deyildiyi kimi, “el gözü tərəzidir.” Cəmiyyət artıq kimin nəyə xidmət etdiyini, kimin isə sadəcə çamur atmaqla məşğul olduğunu çox yaxşı anlayır.
Haqqı demək – cəsarət tələb edir
Bu gün Nəsimi rayonunda hər kəs Müşviq Məmmədovu tanıyır, sevir və hörmətlə yad edir. Onu sevənlər onun hansı sahədə işləməyindən asılı olmayaraq peşəkar, dövlətinə sədaqətli və məsuliyyətli kadr kimi dəyərləndirirlər. Müşviq müəllim üçün yüksəliş – vəzifə deyil, zəhmətin, səbrin və inamın nəticəsidir. O, illər boyu topladığı təcrübəni insanlara xidmətə yönəldib, dövlətin sosial siyasətini layiqincə həyata keçirib.
Bizim müdafiəmiz yox, ədalət tələbimiz var
Tam səmimiyyətlə qeyd edirik: Müşviq Məmmədovun nə mediada müdafiəyə, nə də şəxsi təbliğata ehtiyacı yoxdur. Onun gördüyü işlər, rayon icra hakimiyyəti kollektivində fəaliyyəti kifayət qədər öz sözünü deyir. Amma biz ədalətsiz tənqid və yalan ittiham qarşısında susmağı vicdana sığışdırmırıq. Çünki susduqca, qərəz böyüyür.
Bütün KİV nümayəndələrinə müraciət edirik:
“Əgər yazırsınızsa, faktla yazın. Əgər tənqid edirsinizsə, ədalətlə edin. Əgər susursunuzsa, böhtana ortaq olmayın.”
P.s
Jurnalistika – xalqı doğru məlumatlandırmaq, cəmiyyətin vicdan səsini çatdırmaq sənətidir. Obyektivlik, balans, məsuliyyət – bu peşənin əsas dayaqlarıdır. Biz inanırıq ki, Müşviq Məmmədov kimi əqidəli məmurlar, zəhməti və şəffaf fəaliyyəti ilə bu dövlətin dayaqlarıdır. Onun haqqında yazılan sifarişli, sübutsuz materiallar yalnız mediaya etimadı zədələyir. Cəmiyyətin gözü tərəzidir. Haqqı görən, ədaləti tanıyan xalq hər kəsi öz əməli ilə qiymətləndirir. Biz də deyirik: yaxşını yaxşı görmək, ədaləti qorumaq – həm borcumuz, həm də vicdan işimizdir.
Azerinform.az
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.