YALAN AYAQ TUTAR, AMMA YERİMƏZ, CƏNABLAR...
Ağcabədi Rayon Mərkəzi Xəstəxanasının direktoru Elnur Abdullayev haqqında yayılan məlumatlar şər və böhtandır
Cəmiyyətin diqqətini yayındırmaq üçün seçilən şəxsin Elnur Abdullayev olması heç də təsadüfi deyil. Çünki o, öz zəhməti, biliyi, idarəçilik bacarığı ilə Ağcabədidə səhiyyənin inkişafına töhfə verib. Onu tanıyan hər kəs yaxşı bilir: Elnur Abdullayev gənc, işgüzar, prinsipial, tələbkar, amma eyni zamanda insanpərvər və dürüst rəhbərdir.
Onun fəaliyyətini gözü ilə görənlər, xəstəxananın inkişafı üçün həyata keçirilən islahatlara şahid olanlar yaxşı anlayırlar ki, bu qarayaxmaların arxasında paxıllıq, şəxsi maraqlar və sifariş dayanır. Əks halda, bütün bölgədə hörmətlə tanınan bir gənc ziyalının ünvanına bu qədər əsassız yazılar yazılmazdı.
Bu gün Ağcabədi Rayon Mərkəzi Xəstəxanasında baş verən dəyişikliklər göz qabağındadır. Maddi-texniki baza möhkəmləndirilib, vətəndaşlara göstərilən xidmətin keyfiyyəti yüksəlib, şəffaflıq prinsipi gücləndirilib. İnsanlar bunu gündəlik təcrübələrində görür və qiymətləndirirlər. Əgər kimsə obyektiv olmaq istəyirsə, buyursun, xəstəxanaya gəlsin, oradakı reallığı görsün.
Əslində, bəzi qərəzli şəxslərin narahatlığı da məhz buradadır: görülən işlərin, edilən yeniliklərin fonunda onların “qara piar”ları tam iflasa uğrayır. Çünki faktlar yalanı alt-üst edir.
Unutmaq olmaz ki, hər bir əsassız ittiham, hər bir böhtan və şər hüquqi müstəvidə cavabını tapır. Bugünkü qanunvericilik imkan verir ki, şərəf və ləyaqətə qəsd edən şəxslər məhkəmə qarşısında cavab versin. Əgər bu yersiz yazılar davam edərsə, onların müəllifləri gec-tez məhkəmə zalında öz yalanlarının cavabını vermək məcburiyyətində qalacaqlar. Cəmiyyət artıq şər-böhtanla deyil, fakt və sübutlarla danışmaq istəyir.
Ən önəmli məqamlardan biri budur ki, insanlar bu böhtan yazılarını ciddi qəbul etmir. Ağcabədidə və ümumən bölgədə yaşayan insanlar Elnur Abdullayevin kim olduğunu yaxşı tanıyır. Onun xidmətlərini, fəaliyyətini, əməllərini görənlər heç vaxt bu cür ucuz qarayaxmalara inanmaz. Əksinə, belə hücumlar əslində ictimai rəydə əks effekt doğurur və cəmiyyət daha qətiyyətlə öz rəhbərinə sahib çıxır. Bir gənc ziyalıya qarşı əsassız hücumlar etmək, onun əməyini gözdən salmaq, şər və böhtanla ləkələməyə calışmaq nə jurnalistikaya, nə də vicdana yaraşır. Cəmiyyət belə halları qəbul etmir. Həqiqi jurnalist haqqı deyir, amma iftira ilə məşğul olmur. Həqiqi qələm adamı yalanla özünü ucaltmağa çalışmaz.
