Təşkilatcı-rəhbər, gözəl insan və əsl vətən daşı - Bioloji Təbabət klinikasının Göyçay filialının direktoru Aydın Mehtiyev
---
11:44
5.06.2025
42
Əziz oxucu! Bir az toxta, dur! Məmurların qanunsuzluqlar, sosial problemlər, kresloda oturanların vətəndaşlara təhkimçi kimi baxmaları, korrupsiya və maliyyə maxinasiyaları ilə toplanan milyonlardan, kapitaldan bəhs edən məlumatlardan bir qədər uzaqlaşaq. Sizə çoxlarının yazacaqlarımıza inanmadığı, şəxsiyyəti və real əməli ilə bizi də fəth edən bir şəxsdən - Bioloji Təbabət klinikasının Göyçay filialının direktoru Aydın Mehtiyev barədə bəhs edəcəyik. Onun haqqında elini-obasını sevən bir insan kimi gördüklərimizi, bildiklərimizi və başqalarının fikirlərini təqdim edəcəyik. Amma ilk öncə...
QISA TANIŞLIQ
10 ildir ki, Göyçay və ətraf rayon sakinlərinin sağlamlığı keşiyində duran Göyçay Bi̇oloji̇ Təbabət Klinikası tibbin bütün sahələri ilə xidmətinizdədir!
Dəqiq və etibarlı instrumental diaqnostika
Tam avtomatlaşdırılmış laboratoriya
Müasir cihazlarla təchiz olunmuş fizioterapiya və reabilitasiya şöbəsi
Müasir texnologiya ilə təchiz olunmuş və müxtəlif ixtisasli peşəkar həkimlər tərəfindən pasiyentlərin yüksək səviyyədə müayinə və müalicəsi təmin edilir.
Göyçay şəhər və ətraf rayon sakinlərinin nəzərinə!
Sizin sağlamlığınızı düşünərək, hər həftənin 3-cü və 6-cı günləri Bakıdan yüksək ixtisaslı həkim heyəti Göyçay filialında pasiyent qəbulunu həyata keçirir.
Bioloji Təbabət Klinikasının Göyçay filialı həftə içi hər gün saat 09:00 dan 17:00 dək və şənbə günü 09:00 dan 16:00 dək sizin xidmətinizdədir.
VAR-DÖVLƏTİ SAYA GƏLMƏZ ANLAYAN OLSA...
...Dünyaya göz açan hər bir kəsin öz yolu, öz cığırı olur. Bu da əzəli məlum, sonu Tanrının qismətindən asılı ömür yoludur. Deyirlər, öz dünyasında olan insanın söz və əməl dünyası saleh olur. Bu yolu şərəflə, ləqayətlə, inam və imanla addımlayan belə insanlardan biri də sözün həqiqi mənasında gözəl insan, təkilatcı rəhbər Bioloji Təbabət klinikasının Göyçay filialının direktoru Aydın Mehtiyevdir.
Bəri başdan qeyd edək ki, Aydın Mehtiyev böyük müəllimi və idealı olan Heydər Əliyev kimi layiqli insanlara dəyər verməkdən zövq alır!
O, kamil biliyi və yüksək təcrübi idarəetmə qabiliyyəti olan istedad sahibidir!
O, rəhbər kimi ani və düzgün qərar qəbul edə bilən nadir şəxslərdəndir!
Prezident İlham Əliyevdən nümunə götürən Aydın Mehtiyevin böyüklüyü onun sadəliyində və insanlara qarşı səmimi münasibətindədir!
O, insanlara diqqət və qayğıyla yanaşır, onların dövlətimizə və Prezidentimizə inamını artırır!
O, üzərinə düşən bütün işləri yüksək professionallıqla və böyük operativliklə icra edir! Bunun sirri onun Bioloji Təbabət klinikasının Göyçay filialının direktoru kimi professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır!
...Bütün deyilənləri, yazılanları kənara qoyaraq bir elin, obanın təəssübünü cəkən fədəkar bir səhiyyə məmuru kimi tanıdığımız Aydın Mehtiyevin haqqında bəzən bədhaqları tərəfindən yayılan uydurmalara cavab olaraq gerçək olanı deyək: Bəri başdan deyirik ki, Aydın Mehtiyev təsəvvürünüzə gətirmədiyiniz dərəcədə zəngindir. Briliant, qızıl, ləl-cəvahirat nədir ki, onun sərvətinin yanında. Adamın saf, təmiz qəlbi var. Neyləsin ki, xalqına, el-obasına bu qədər baglıdır. Saysız-hesabsız ehtiyacı olanlara "Əl tutmaq Əlidən qalıb" deyə əl tutması, simsar olmasını göz önünə gətirin. Həndəsi silsilə ilə artan bir sərvət! Sizsə görün nələrdən danışırsız? Hələ bu sıraya necə-necə yetirmələrinin xeyirxah əməllərini də artırsaq onda böyük bir xəzinə yaranar. Yəqin bu həqiqəti bilən kimsə, sizin yanınızda "Aydın Mehtiyevin böyük, tükənməz bir xəzinəsi var”-deyib, sadəcə, sizsə hər şeyi baş-ayaq anlamısız…
VƏZİFƏNİ HÖRMƏTƏ MİNDİRƏN MƏMUR
...Müasir mediada çox nəsnələrin təmənnalı yazılıb, elə təmənnalı da pozulduğu bir vaxtda tanınmış bir məmurun haqda xoş yazı yazmağın necə qarşılanacağını bilməmiş deyiləm. Hər kəs sual edəcək: Görəsən, nə baş verib ki, işi-gücü tənqid olan bir saytın rəhbəri indi məmuru müdafiə edən yazıya imza qoyur? Biz bu yazını qələmə almağı özümüzə vicdan borcu saydıq. Bu gün iş adamlarının böyük əksəriyyətinin hansı səviyyəyə malik olduğunu, elmdən uzaq, yalnız pul yığmağı bacaran ənənəvi tiplər kimi tanıdığımızdan az qala ONUN haqqında da belə düşünəcəkdik. Amma… Amması bu ki, Bioloji Təbabət klinikasının Göyçay filialının direktoru Aydın Mehtiyev vəzifənin hörmətə mindirdiyi yox, vəzifəni hörmətə mindirən səhiyyə MƏMURlarındandır.
...Adının cəkilməsini istəməyən Azərbaycanın tanınmış jurnalistlərindən biri Aydın Mehtiyevi yaxından tanıdıgını deyir: “Fürsət düşdükdə Aydın müəllimlə həmsöhbət oluram. Söz-sənət sahiblərinə qiymət verməyi bacaran adamdir. Kübar, çox ziyalı, lazım olanda yumuşaq, lazım olanda sərt insandır. Təşkilatçı bacarığı da öz yerindədir. Bircə zəif cəhəti var ki, başqa bir rəhbər sərt tədbirlər görəcəyi halda, o insani xüsusiyyətindən irəli gələrək başa salır ki, belə olmaz, belə deyil. Mümkün və sona qədər ancaq başa salmağa çalışır. Çox vaxt da buna nail olur. İnsanlara elə gəlir ki, o yumşaq xasiyyətli, həlim bir rəhbərdir. Amma görünür o, bizim bildiklərimizdən daha çox bilir və dərk edir ki, cəmiyyəti inzibati üsullarla yox, sözlə də islah etmək olar”.
YAZIYA KİCİK BİR SÖZARDI
Vəzifəsini vicdanla yerinə yetirən, təmsilçisi olduğu dövlətin, hakimiyyətin, xalqın və prezidentin etimadını yüksək səviyyədə doğrulda bilən məmur problemi tarixən olmuş və gələcəkdə də olacaqdır. Bu problem yeni yaranmış gənc dövlətlərdə daha qabarıq şəkildə özünü biruzə verməkdədir. Təşəbbüskar Azərbaycan vətəndaşı, ictimai-siyasi proseslərdə ciddi şəkildə iştirak edən bir insan kimi, bu problem məni həmişə düşündürüb. Qəti qərara gəlmişəm ki, yaxşılara yaxşı deməyin, onların əsl qiymətini verməyin zamanı çoxdan yetişib.
Yaxşıların yaxşı olduğunu deməklə kimin-kim olduğunu deyirik, yaxşılara yaxşı deməklə onları daha böyük işlər görməyə ruhlandırırıq. Digərlərini isə yaxşılardan nümunə götürməyə səsləyirik. “Xalqın ən böyük xidmətçisi mənəm. Məndən nümunə götürün” – deyir prezident İlham Əliyev!
Bioloji Təbabət klinikasının Göyçay filialının direktoru Aydın Mehtiyevin Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir. Maraqlıdır ki, onun adı ölkənin kütləvi informasiya vasitələrində az da olsa çəkilsə də, mahiyyət etibarı ilə onun həyatı və fəaliyyəti barədə ətraflı və dolğun informasiya əldə etmək elə də asan deyil. Bəlkə də bu Aydın müəllimin fəaliyyətinin müəyyən özəllikləri ilə əlaqədardır. Onu yaxından tanıyan bir çox insanlar bu halı onun yüksək təvazökarlığı və diqqət mərkəzində olmaqdan heç də xoşlanmaması ilə də əlaqələndirirlər. Əlbəttə ki, bu keyfiyyətlər də hər bir insana yalnız baş ucalığı gətirə bilər.
Bəli, bir həqiqət isə GÜN İŞIGI kimidir: Nəinki fəaliyyət göstərdiyi rayonda, hətda bölgədə belə kimdən soruşsanız onu belə xarakterizə edəcəklər - yüksək qabiliyyəti ilə seçilən təşkilatcı-rəhbər, gözəl insan və əsl vətən daşı!
Azerinform.az
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.