Balakən Rayon İcra Hakimiyyəti başçısının birinci müavini Turan Dibirovun barəsində yayılan məlumatlar həqiqəti əks etdirmir - MÖVQE
---
13:59
19.05.2025
488
Əgər insan doğru-düzgün bir yoldadırsa, heç vaxt ona zaval olmur. Gördüklərim, eşitdiklərim məni bu qənaətə gətirib ki, Balakən Rayon İcra Hakimiyyəti başçısının birinci müavini Turan Dibirov xalqının, dövlətinin etimad və etibarını qazanmağı bacara bilmişdir. Rəhbərlik xüsusiyyətini, xarakterini insana daşıdığı vəzifə yox, o vəzifəyə layiq olan insan özü qazandırır. O, insanın xarakterində, bütövlüyündə, bir sözlə, işi ilə əməlinin vəhdətində olmalıdır. Əgər sən insanların istəyini və sevgisini qazanmaq istəyirsənsə ilk növbədə onlarla səmimi olmalısan…
Onun haqqında yazmağa ehtiyac varmı? Bu yazılar ona lazımdırmı? Əsla! Amma bu yazılar o kəslərə lazımdır ki, onlar xalqa, dövlətə, dövlətçiliyə xidməti, idarəetməni ondan öyrənsinlər; öz əqidəsinə, məsləkinə və vicdanına layiq hərəkət edən hər kəsə nümunə kimi təqdim və təqdir olunsun. Bunu mən belə düşünürəm. El gözü tərəzidir, deyərlər. Bu gün hər şeyi və hər kəsi görürük… Məqsədli şəkildə vəzifə mənsəbləri – nail olduqları şan və şöhrətin daşıdıqları vəzifənin anlamını onu itirdikdən sonra anlayır və peşiman olurlarsa da, sonrakı peşimançılıq fayda vermir. Çox təəssüf.
Turan Dibirov uşaq yaşlarından atasını itirib. Öz zəhməti ilə orta məktəbi əla qiymətlərlə qurtarıb, bakalavrı fərqlənmə diplomu ilə bitirib, magistraturanı əla qiymətlərlə başa vurub. Hərbi xidmətini döyüş bölgəsində edib, hərbidən fərqlənmə ilə tərxis olunub.
İlk dövlət qulluğuna Dövlət İmtahan Mərkəzindən öz biliyi ilə keçərək qəbul olub. Məsləhətçi vəzifəsindən ta indiki vəzifəsinə-Balakən Rayon İcra Başçısının birinci müavini vəzifəsinə yüksəlib. İşlədiyi müddətdə dövlət və dövlətçiliyin möhkəmlənməsinə çalışmaqla, hər zaman imtiyazlı şəxslərin Şəhid, Qazi, Veteran ailələrinin yanında olaraq onların dərdlərini dinləyib. Bütün bunları mən bir mətbuat işçisi kimi uzun illərdir izləyən şəxs kimi yazıram. Bu cür gənc kadrın ilk dəfə şər, böhtan xarakterli, kimlərinsə sifarişi ilə barəsində 8 il qabaq olmuş işə görə şərlənməsi məni bir mətbuat işçisi kimi təəsüfləndirdi. Balakən Rayon İcra Hakimiyyəti başçısının birinci müavini Turan Dibirovun haqqında yazmaq, onu tərifləmək, xalqa tanıtmağa ehtiyac yoxdur. Sadəcə onun rəhbərlik etdiyi sahəyə bir az nəzər salmaq kifayət edər və yetərincə bütün suallara cavab tapmış olarsan.
Balakən Rayon İcra Hakimiyyəti başçısının birinci müavini Turan Dibirovun barəsində şər və böhtan xarakterli yazıları yayan "jurnalistlərə" deyirik ki, bizlərə məlumdur ki, bu cızma-qaraları kimlər nə məqsədlə yaydırır. Ancaq bu dərəcədə olmaz. Gənc ziyalıi olan bir insana qarşı bələ münasibət yolverilməzdir. Unutmayın, bu davranışlar ictimaiyyət tərəfindən ikrahla qarşılanır. Real olan budur ki, Balakən Rayon İcra Hakimiyyəti başçısının birinci müavini Turan Dibirov ictimaiyyət tərəfindən sevilir, hörmətlə qəbul edilir. Çünki o, bu vəzifəyə təsadüfi gəlməyib. Çünki o, oliqarx deyil və ömrü boyu hansısa post uğrunda mübarizə aparmayıb. Mübarizə apardığı bir sahə olub, o da ona tapşırılan vəzifədir ki, bu sahədə də həmişə üzüagdır. Baxın ədalətli mövqe budur. Ədalətli mövqe insana onun üçün sərf etdi-etmədi deyil, real olanı danışmaqdır. Ədalətsizlik cəmiyyətdə ölüm virusu tək təhlükəlidir, imkan verərsiniz ənənəvi hal alar. Gələcək nəsillər naminə cəmiyyəti ədalətsizlik virusuna yoluxdurmayın.
Azerinform.az
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.