Cəmiyyəti ədalətsizlik virusuna yoluxdurmayın... - Professor Gülnaz Dadaşova barədə BİR NECƏ KƏLMƏ SÖZ

Azərbaycan Respublikası Səhiyyə Nazirliyinin Elmi-Tədqiqat Kardiologiya instututu 1979-cu ildə Ümummilli lider Heydər Əliyevin təşəbbüsü ilə açılmışdır. Elmi-Tədqiqat Kardiologiya İnstitutuna akademik Cahangir Məmməd oğlu Abdullayevin adı verilmişdir. C.Abdullayev Əməkdar Elm xadimi fəxri adına layiq görülmüş, “Qırmızı Əmək Bayrağı” ordeni ilə təltif edilmişdir. Azərbaycan Tibb Universitetində “Akademik C.Abdullayev” adına təsis edilən təqaüd təhsildə fərqlənən əlaçı tələbələrə təqdim olunmuşdur.

Böyük alimin adını daşıyan və 1979-cu ildən fəaliyyətə başlamış Kardiologiya institutu bütün bu müddət ərzində böyük inkişaf yolu keçmişdir və hazırda bu müəssisə böyük elmi potensiala və klinik-praktik təcrübəyə malikdir. Fəaliyyət göstərdiyi müddətdə istər klinik, istərsə də elm sahəsində öz töhfələrini vermiş və verməkdə davam edir.

Hazırda adı çəkilən İnsituta Dadaşova Gülnaz Mahir qızı rəhbərlik edir. Gülnaz Dadaşova 2008-ci ildə "Postmenopozal qadınlarda arterial hipertenziya müalicəsinin optimallaşdırılması" elmi işini müdafiə edərək tibb elmləri üzrə fəlsəfə doktoru elmi dərəcəsinə layiq görülmüşdür. 2016-cı ildə dosent elmi adını almışdır. 2018-ci ildə "Xroniki ürək çatışmazlığının gender xüsusiyyətləri, diaqnoz və dərman müalicəsinin təkmilləşdirilməsi imkanları, proqnoz və sağ qalma proqnozlarının müəyyən edilməsi" elmi işini müdafiə edərək tibb elmləri doktoru elmi dərəcəsini almışdır. O 100-ə yaxın elmi işin müəllifi, çox sayda elmi məqalələrin müəllifidir.

Son zamanlar Azərbaycanın gənc elmlər doktorlarından biri olan Gülnaz Dadaşova haqqında bəzi saytlarda böhtan xarakterli yazıların getdiyini müşahidə edirik. Yazılarda qeyd olunan nüanslar heç bir sübutu olmayan, yalnız fərziyyələrdən ibarətdir. Şikayətçinin kimliyi, şikayətinin məğzi dəqiq bilinməyən bu tip yazıları media nümayəndəsi olaraq pisləyirik. İstənilən şəxs haqqında faktlara söykənməyən yazı qəbuledilməzdir.

Qeyd edək ki, Akademik C.Abdullayev adına Elmi-Tədqiqat Kardiologiya İnstitutunda biz də zaman-zaman media nümayəndəsi, bəzən isə bir vətəndaş olaraq olmuşuq, çəkilişlər aparıb, müsahibələr almışıq. Hemsöhbət olduğumuz xəstələr orada yaranan mühitdən, xəstələrə göstərilən yüksək qayğı və diqqətdən daima ağızdolusu razılıqla danışıblar. Şəhid və Qazi ailələrinə yüksək tibbi xidmət göstərən, öz şərəfli peşələrini ləyaqətlə yerinə yetirən bir müəssisə və onun rəhbəri haqqında yazılan neqativ fikirləri bir daha pisləyir, tanınmış tibb ocağımızın bütün çalışanlarına başda direktor Gülnaz Dadaşova olmaqla uğurlar arzu edirik.

 Sonda Akademik C.Abdullayev adına Elmi-Tədqiqat Kardiologiya İnstitutunun direktoru Gülnaz Dadaşova haqqında şər və böhtan xarakterli yazıları dərc edən sayt rəhbərlərinə üzümüzü tutub demək istəyirik ki, bizlərə məlumdur ki, bu cızma-qaraları kimlər nə məqsədlə yazdırır. Ancaq bu dərəcədə olmaz. Ölkədə gənc elmlər doktorlarından biri sayılan ziyalıi bir xanıma qarşı bələ münasibət yolverilməzdir. Unutmayın, bu davranışlar ictimaiyyət tərəfindən ikrahla qarşılanır. Real olan budur ki, Elmi-Tədqiqat Kardiologiya İnstitutunun direktoru Gülnaz Dadaşova ictimaiyyət tərəfindən sevilir, hörmətlə qəbul edilir. Çünki o, bu vəzifəyə təsadüfi gəlməyib. Çünki o, oliqarx deyil və ömrü boyu hansısa post uğrunda mübarizə aparmayıb. Mübarizə apardığı bir sahə olub, o da ona tapşırılan vəzifədir ki, bu sahədə də həmişə üzüagdır. Baxın ədalətli mövqe budur. Ədalətli mövqe insana onun üçün sərf etdi-etmədi deyil, real olanı danışmaqdır. Ədalətsizlik cəmiyyətdə ölüm virusu tək təhlükəlidir, imkan vərərsiniz ənənəvi hal alar. Gələcək nəsillər naminə cəmiyyəti ədalətsizlik virusuna yoluxdurmayın.

Azerinform.az