İlham Əliyevin komandada güvəndiyi ilk səkkizlik kimlərdir? - SİYAHI

Prezident İlham Əliyev Azərbaycanda islahatçı komanda formalaşdırır

Ulus.Az-ın Siyasət Şöbəsinin araşdırması zamanı ölkə başçısının son fərmanları, struktur və kadr dəyişiklikləri məhz buna hesablanıb

Dövlət başçısı etimadı itirmiş, vətəndaşların narazılıq etdiyi məmurları işdən çıxarır, nazirləri vəzifəsindən qovur, qurumları birləşdirir. Eldar Mahmudov, Ziya Məmmədov və başqa məmurların vəzifəsini itirmələri dövlət başçısının reformlarıdır. Prezident güvəndiyi və xalqa xidmət edən komanda yaradır.

İ.Əliyevin etibar etdiyi heyətə nəzər salanda görünür ki, prezidentin güvləndiyi kadrlar irəli çəkilir. Araşdırma qrupunun gəldiyi nəticə ondan ibarətdir ki, prezident komandasında bu kadrlar xalqın və rəhbərliyin etimad göstərdiyi məmurlardır.

Hazırladığımız siyahıda I vitse-prezident Mehriban Əliyeva, Prezidentin İctimai-siyasi məsələlər üzrə köməkçisi Əli Həsənov, prezidentin hüquq mühafizə orqanları ilə iş və hərbi məsələlər üzrə köməkçisi Fuad Ələsgərov, Dövlət Təhlükəsizlik Xidməti rəisi Mədət Quliyev, Daxili İşlər naziri Ramil Usubov, Baş Prokuror Zakir Qaralov, Müdafiə naziri Zakir Həsənov və fövqəladə hallar naziri Kəmaləddin Heydərov ilk səkkizlikdir.

Həmçinin, prezidentin komandasında ədliyyə naziri Fikrət Məmmədov, Maliyyə Bazarlarına Nəzarət Palatasının sədri Rüfət Aslanlı, Dövlət Sərhəd Xidməti rəisi Elçin Quliyev, ASAN Xidmət rəhbəri İnam Kərimov, səhiyə naziri Oqtay Şirəliyev var.

Ulus.Az-ın məlumatına görə, PA-ya ən çox gələn şikayətlər və narazılıqlar, ölkənin idarəçiliyində prezidentin etimadını itirmiş kadrların yola salınacağı gözlənilir.

Mərkəzi Bank sədri Elman Rüstəmov, maliyyə naziri Samir Şərifov, vergilər naziri Fazil Məmmədov, kənd təsərrüfatı naziri Heydər Əsədov, “Azərişıq”, “Azərsu”, “Azəriqaz” kimi açıq səhmdar cəmiyyətlərinin rəhbərləri var.

Həmçinin, Su və Meliorasiya ASC, Dövlət Dəniz Administrasyası rəhbəri, əmlak məsələləri üzrə dövlət komitəsi rəhbəri, təhsil naziri və s. narazılıq edilən sahələrin məmurlarıdır.

Prezident İlham Əliyev məmurlara xalqla işləməyi, vicdanlı olmağı və vətəndaşların maraqlarını üstün tutmağı tapşırıb

Dövlət başçısı bu göstərişlərə əməl etməyən və cızığından çıxan vəzifəli şəxsləri cəzalandırıb. Prezident üçün prinsipial məsələ vətəndaşın probleminin həlli və şikayətinin olmamasıdır.

2003-cü ildən hakimiyyətdə olan İ.Əliyevin daxili siyasəti məhz vətəndaşa xidmət və onun narazılıqlarını həll etmək üzərində qurulub.

Amma xeyli sayda məmur ordusu var ki, dövlət rəhbərliyinin tapşırıqlarını qulaqardı edərək qanunsuzluqlara yol verir, insanların hüquqlarını tapdalayır.

Araşdırmalar və monitorinqlər, media üzərindən müşahidələr belə deməyə əsas verir ki, Azərbaycanın onurğa sütunu məhz Daxili İşlər Nazirliyi, Dövlət Təhlükəsizlik Xidməti, Baş Prokurorluq və Müdafiə Nazirliyidir.