Yeganə xanım QAN AGLADI: Ölümüzü götürsünlər, imkansızlıqdan yerdə qalıb..."

Bakıda gənc ananı yol qəzasında öldürərək iki uşağı yetim qoyan 14 yaşlı məmur balası həbsdən yaxasını qurtarıb

Yeniyetmə məsuliyyətə cəlb olunmayıb və 180 manatla cəzadan məhrum edilib.

Bakıxanov qəsəbəsində "Porsche Cayenne Magnum" markalı avtomobillə gənc qızın həyatına son qoyan qəza mövcud hüquq sistemində boşluqları yenidən aktual edib.

Qəzanı törətməkdə şübhəli bilinən Ağaəli Fərəcovun yaşının 14 olması onu cinayət məsuliyyətindən xilas edib.

14 yaşlı şəxsin cinayət məsuliyyətinə cəlb olunub-olunmaması Cinayət Məcəlləsinin 20.2.-ci maddəsində əks olunub. Həmçinin o, bu bəndin məntiqsiz məzmunda ifadə olunduğunu da bildirib.

Maddənin məntiqsizliyi ondan ibarətdir ki, avtomobili zədələdiyinə, kiminsə avtomobilini qanunsuz ələ keçirdiyinə və yaxud avtomobil yolunu yararsız hala saldığına görə 14 yaşlı şəxs cinayət məsuliyyətinə cəlb edilə bilər, amma avtomobillə adam vurub öldürmüş 14 yaşlı şəxs cinayət məsuliyyətinə cəlb edilə bilməz.

Ulus.Az-ın məlumatına görə, uşağın biznesmen atası Fizuli Fərəcovun arxayın danışmasının səbəbi də indi aydınlaşır.

Ekspert Ərşad Hüseynov qeyd edir ki, burada sürücünün avtomobilini bilərəkdən verdiyi sübut olunsa, sadəcə olaraq, cərimə oluna bilər:

“Bu cərimənin də miqdarı cəmi 180 manatdır. Bir də mülki qaydada dəymiş ziyanın ödənilməsi tələb oluna bilər. Burada tərəfin cinayət məsuliyyətə cəlb edilməsindən söz gedə bilməz.

“Bir az öncə çox bahalı avtomobili ilə 24 yaşlı iki uşaq anasını öldürən 14 yaşlı azyaşlının sosial mediada paylaşılan şəkillərini gördüm. İçki içən, qəlyan çəkən yerdə... Həmin fotolardan baxan uşağın həyat tərzini təxmin etmək çətin deyil. Kimsə "ata-analar öz övladlarını necə bədbəxt edirlər" deyə, danışanda bu hadisəni diqqətdən qaçırmamalıdır”. Bu sözləri deputat Qənirə Paşayeva bildirib.

O deyib ki, 14 yaşında uşağa bir müəllimin ömrünün sonuna qədər qazana bilməyəcəyi məbləğlə maşın alıb, məktəbə göndərən atadır. 24 yaşlı gənc ananın ölümündə də günahkar həmin atadır.

Bu hadisədə digər nüans uşağın dərs vaxtı avtomobil idarə etməsidir. Həmin zaman məktəb direktoru və sinif rəhbəri harada olub? Təhsil Nazirliyi niyə nəzarətsiz bir sstem yaradıb?

Artıq sosial şəbəkələrdə təhsil naziri Mikayıl Cabbarova da ittihamlar var və onun də bu facədə məsuliyyətinin olduğu qeyd edilir. Feysbuda nazirin istefasına çağırış statuslarına da rast gəlmək olar.

Ümumiyyətlə, ya yeniyetmə, ya atası ağır şəkildə cəzalanmalıdır və cəmiyyətə bir nümunə göstərilməlidir.

Bunun əksi arxayınlıq yaradır və məmur övlalarının, milyonçu uşaqlarının kasıb insanları vurub öldürməsi adi hala çevrilir.

İşin istintaqını aparan müstəntiq Elnur Həsənli Unikal.org-a danışıb. O, bildirib ki, Ağaəli Fərəcov yetkinlik yaşına çatmadığı üçün dindirələrək buraxılıb.

“Xəyalənin meyiti hələ də dəfn olunmayıb. Ailənin imkanı yoxdur ölüsünü götürməyə. Anası da özünü öldürür ki, balasını öldürənlər onun meyitini yerdə qoymasınlar. Bu sözləri criminal.az saytına açıqlamasında iki gün əvvəl Bakıda biznesmen oğlunun ''Porcshe'' markalı avtomobillə vurub öldürdüyü Xəyalə Məmmədovanın xalası Yeganə xanım deyib.

Xalanın sözlərinə görə, Xəyalə Gürcüstanda yaşayırdı, Bakıya uşaqlarını görməyə gəlibmiş: ”Uşaqları balacadır, bağça yaşlarında olan iki qızı var. Ərindən boşanmasa da, ayrı yaşayırdılar. Uşaqlar isə ataları ilə qalırdı. Özü isə gözəllik salonunda süpürgəçi işləyirdi. Hadisə baş verən gün "Razin"də gözəllik salonundan çıxan zaman maşın vurub. Maşın elə sürətlə hərəkətdə olarkən vurub ki, zərbənin təsirindən Xəyaləni yoldan kənara atıb. Başından aldığı zərbədən yerindəcə keçinib''.

Yeganə xanım hadisə ilə bağlı sürücüdən şikayətçi olmadıqlarını bildirdi: ''Sürücünü polis saxlayıb, amma bizə deyiblər yaşı azdır.

Xəyalənin ailəsi şikayətçi olmayıb. Deyirlər ki, ölümüzü götürsünlər, yerdə qalıb. İmkanımız yoxdu dəfn etməyə. Bu gün aparacağıq Gürcüstana. Sərhəd keçməliyik''.

(Azərinform)