Doğum gününüz mübarək, hörmətli Mailə MÜƏLLİMƏ!..
olke
12:25
31.10.2023
2 807
Bu gün Binəqədi rayonu, 102 saylı tam orta məktəbin direktoru, tanınmış pedaqoq və xeyirxah insanMailə xanım İsmayılovanın Doğum günüdür.
Biz də Azerinform.az olaraq dəyərli ziyalımız, çox hörmətli Mailə xanımı Doğum günü münasibətilə ürəkdən təbrik edir, ona uzun ömür, möhkəm cansağlığı, pedaqoji və
ictimai fəaliyyətində yeni-yeni uğurlar arzulayırıq!...
Xatırladırıq ki, Mailə İsmayılova Həşim qızı 1 noyabr 1957-ci il tarixində Ermənistan Respublikasının Sisyan rayonunun Qızılcıq kəndində anadan olub. 1965-1975-ci illərdə Bakı şəhəri 115 nömrəli məktəbdə orta təhsil alıb. 1976-cı ildə Bakı Dövlət Universitetinin mexanika-riyaziyyat fakültəsinə daxil olub. Ali təhsili bitirdikdən sonra 1981-ci ildə Elmlər Akademiyasının Mexanika-riyaziyyat İnstitutunda baş laborant vəzifəsində fəaliyyətə başlayıb. 1984-1995-ci illərdə Bakı Dövlət Universitetinin Elmi-tədqiqat şöbəsində kiçik elmi işçi vəzifəsində fəaliyyətini davam etdirib. 1995-ci ildən 2006-cı ilə qədər Bakı şəhəri Nərimanov rayonu 207 nömrəli tam orta məktəbdə direktor vəzifəsində çalışıb. 2008-ci ildən hal-hazıradək M.X.Axundzadə adına 102 nömrəli tam orta məktəbdə direktor vəzifəsində işləyir. 2010-cu ildə "Məktəb Uşağın Dostudur" təşəbbüsü cərçivəsində "Məktəb direktorları üçün effektiv idarəetmə" mövzusunda keçirilmiş təlimçilərin təlim proqramında fəai iştirak edib. 2012-ci ildə "İKT-nin təhsilə tətbiqi və idarəetmə sistemləri", 2013-cü ildə "Ümumi təhsildə kurikulum islahatı və onun idarə olunması", 2014-cü ildə "Təhsilin təşkili və idarə edilməsi" təlim kurslarını müvəffəqiyyətlə bitirib. Binəqədi rayonu İcra hakimiyyəti tərəfindən "Təhsil sistemindəki səmərəli fəaliyyətinə və gənc nəslin təlim-tərbiyəsindəki xidmətlərinə görə" Fəxri Fərmanla təltif olunub. Fəaliyyəti dövründə məktəb bir çox uğurlara imza atıb. 2010-2011-ci tədris ilində "50 ən yaxşı məktəb" müsabiqəsinin qalibi olub, diplomla təltif edilib. 2016-2017-ci və 2017-2018-ci tədris illərində XI sinif şagirdlərinin buraxılış imtahanlarının nəticələrinə görə reytinq cədvəli üzrə irəliləyərək Bakı şəhəri üzrə 55-ci, Binəqədi rayonu üzrə isə 5-ci yeri tutub və "Yaxşı nəticəli məktəb" statusu alıb. “Məktəb saytı” 2017-ci ilin may ayında ümumi təhsil müəssisələri arasında keçirilən "Ən yaxşı məktəb saytı" müsabiqəsinin may ayı üzrə qalibi olub. 2017-2018-ci tədris ilində Azərbaycan Respublikası Təhsil Nazirliyinin "Təhsildə inkişaf və innovasiyalar" üzrə I qrant müsabiqəsində "Mərkəzi və əyalət məktəblərinin əməkdaşlığından inkişaf və təcrübəyə doğru" layihəsi ilə qalib olub və layihə uğurla icra edilib. Məktəb kollektivi Bakı Şəhəri üzrə Təhsil İdarəsinin "Təhsili dəyərə çevirək" devizi altında "Ekologiya və Sağlamlıq" istiqamətində keçirdiyi "Ekoloji aylıqlar" layihəsi çərçivəsində keçirilən müsabiqələrdə fəal iştirak edərək II və III yerləri tutub. Fəaliyyətini uğurla davam etdirir. Ailəlidir. 2 övladı var.
Azerinform.az
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.