Putin Trampa meydan oxudu, deyib ki.. - Uşakov dəstəyi kimin yerə qoyduğundan danışdı

Rusiya və ABŞ prezidentləri Vladimir Putin və Donald Tramp arasında danışıqlar başa çatıb.

SAVASHMEDİA.az xəbər verir ki, bunu Rusiya dövlət başçısının köməkçisi Yuri Uşakov deyib. Onun sözlərinə görə, prezidentlərin toxunduğu mövzulardan biri də Rusiya ilə Ukrayna arasında müharibə olub. Uşakovdan sitat: "Tramp söhbət zamanı hərbi əməliyyatların tezliklə dayandırılması məsələsini yenidən gündəmə gətirib. Putin Rusiya tərəfinin müharibənin siyasi, danışıqlar yolu ilə həllini axtarmağa davam etdiyini bildirərib. Eyni zamanda Rusiya dövlətinin başçısı vurğulayıb ki, “Rusiya öz məqsədlərinə çatacaq” və bu məqsədlərdən “geri çəkilməyəcək”.

Qeyd edək ki, Putinlə Tramp arasında söhbət bir saata yaxın davam edib. Bu artıq Trampın ABŞ prezidentliyinə qayıtmasından sonra prezidentlər arasında altıncı söhbətdir.  "Ümumiyyətlə, bu iki lider arasında söhbət həmişə olduğu kimi səmimi, işgüzar və konkret olub. Birinci kimin telefonu bağladığını söyləyə bilmərəm, lakin dəstəyi sonuncu olaraq adətən tərcüməçilər yerə qoyur", - Uşakov qeyd edib. Vaşinqton hələlik söhbətin məzmununu şərh etməyib.