Özəl Baxçalıya cavab verdi: İmamoğlunun həbsi ilə bağlı nə düşünürsüz?

MHP sədri Dövlət Baxçalı dünən Silivri Həbsxanasında saxlanılan İstanbul Böyükşəhər Bələdiyyə sədri Əkrəm İmamoğlu üçün diqqətçəkən çağırış edib.

Turkustan.az xəbər verir ki, Baxçalı: ''İstanbul Böyükşəhər Bələdiyyəsi ətrafında oğurluq, rüşvət və korrupsiya iddialarına görə Silivri Həbsxanasında şübhəli bilinən Əkrəm İmamoğlu ilə bağlı məhkəmə prosesləri təcili müzakirə edilməli və yekunlaşdırılmalıdır'' deyib.

CHP sədri Özgür Özəl bu gün partiyasının qrup toplantısında Baxçalının İmamoğluya çağırışına cavab verib. Özəl: "Dövlət bəyin mühakimələrin sürətli olmasına və günahsız olanların sərbəst buraxılması üzərində etdiyi vurğunu dəyərli hesab edirəm. Madam ki, xalqın səsinə dəyər verirsiniz, cəmi bir il əvvəl iki nəfərdən birinin səsi ilə İstanbula təyinat alan İmamoğlunun həbs olunmadan mühakimə olunması, məhkəmə zamanı vəzifəsinə qayıtması, əlavə edirəm ki, TRT də daxil olmaqla, hər bir tələb edən kanalda məhkəmələrin açıq və şəffaf şəkildə aparılması barədə nə düşünürsünüz? Biz sizinlə burada tez və ədalətli məhkəmə ilə görüşə bilərik. Cinayət sübut olunarsa, həbs ediləcək, bəraət qazanarsa, vəzifəsinə qaytarılacaq və həbssiz məhkəmə prosesi və televiziya ilə mühakimə olunacaq”-deyə, bildirib.