Trampın təhdidi milyarderi qorxutdu – Xüsusi tapşırıq

Dünyaca nüfuzlu “The Washington Post”un sahibi, milyarder Ceff Bezosun qəzetin yaradıcı heyətinə tapşırığı ciddi müzakirələrə səbəb olub. 

Globalinfo.az xəbər verir ki, Bezosun işçilərə qəzetdə bundan sonra sadəcə “şəxsi azadlıqlar” və “azad bazar” istiqamətlərində yazılar hazırlamağı tapşırdığı bildirilir.
Məlumata görə, buna səbəb milyarderin ABŞ Prezidenti Donald Trampdan çəkinməsidir. O, qəzetlərdə yeni adminitrasiya ilə bağlı sərt, tənqidi yazıların yayımlanmamasına çalışır.
Bezosun hazırkı mövqeyinin hələ 2013-cü ildə qəzetin hissələrini 250 milyon dollara satın aldığı zamanlardakından kəskin şəkildə fərqləndiyi bildirilir. Nəşrin ortaqlarının sözlərinə görə, milyarder ilk zamanlarda işçilərə müraciət edib. “Siz jurnalistika sahəsinin ekspertlərisiniz, mən yox. Ona görə də sizə nə etməli olduğunuzu söyləmək fikrində deyiləm”, – o, qeyd edib. Bezos daha sonra qəzetin nə bahasına olursa-olsun, cəsarətli mövqeyindən dönməyəcəyini söyləyib.
Milyarder bir müddət sonra “The Boston Globe”dan Pulitzer mükafatı almış redaktor Marty Baronu işə götürüb. Baron öz növbəsində “Demokratiya qaranlıqda ölür” yazısını qəzetin şüarı kimi qəbul edib.
İndi isə redaktor deyir ki, Bezos Trampdan qorxur. Yazılar hər nə qədər təmkinli, yumuşaq məzmunda təqdim edilsə də, Trampa ünvanlananlar nisbətən sərt olub.
Bezosun yanaşmasına görə redaksiya daxilində ciddi fikir ayrılıqlarının yarandığı, hətta bir neçə istefanın olduğu deyilir.
Məlumata əsasən, Ağ Ev Donald Trampı tənqid edən media resurslarını hədələməyə başlayıb. Lakin “The Washington Post” kimi mətbuat qurumları isə könüllü şəkildə bu prosesə qoşulublar.