Bütün xəbərlər

Şirkət sakinlərin evini uçurur...

Şirkət sakinlərin evini uçurur...
Bakı şəhəri, Nəsimi rayonu, Mirqasımov 8 ünvanında yaşayan sakinlərin evləri uçurulur. Söküntü işlərini aparan "Rifah Palace" şirkətidir, şirkət sökülən evlərin yerində tikiləcək yeni binada sakinlərə ev veriləcəyini vəd edir və onlardan bina tikilib hazır olana qədər kirayəyə köçmələrini tələb edir.
Milli.Az xəbər verir ki, bu tələblə razılaşmayan sakinlər virtualaz.org-a deyiblər ki, onlar sökülən evlərinin müqabilində kompensasiya istəyirlər.
Sakinlər deyirlər ki, təklif olunan şərtlərlə razılaşmadıqlarından evlərindən köçməyiblər. Amma onların narazılığı nəzərə alınmayaraq içərisində yaşadıqları halda evlərin qazı və işığı kəsilib. Həmin ünvanda yaşayan Gülparə Əliyeva deyir ki, onlara evlərindən çıxmaq üçün hədə-qorxu gəlirlər:
"Evimizi başımıza uçururlar. Çıxıb evin qabağında dayanmışam ki, sökməsinlər. Gözləyirlər ki, evdən aralanım, evimizi darmadağın etsinlər. 102-yə də zəng eləmişik, hər yerə şikayət eləmişik, xeyri yoxdur. Biz şirkətdən evimizə görə kompensasiya tələb edirik. Onlar isə dövlət layihəsi olmadığına görə kompensasiya vermirlər, binada ev vəd edirlər. Evimizi başımıza uçuran şirkətin bizə ev verəcəyinə necə inanaq?" - şikayətçi bildirir.
Şikayətçilərin sözlərinə görə, şirkət Mirqasımov küçəsi, 8 ünvanında yaşayan 4, Süleymanov küçəsi, 69 ünvanında yaşayan 6 ailəni təhlükə ilə üz-üzə qoyub. Onlar bildirirlər ki, artıq söküntü işlərinə görə evlərə gedən elektrik və qazı da kəsiblər. Yaxınlıqdakı evlər söküldüyündən onların evləri də qəzalı vəziyyətə düşüb.
Məsələ ilə bağlı "Rifah Palace" şirkətinin rəhbərliyi ilə əlaqə saxlasaq da onlar şərh vermək istəməyib telefonu söndürüblər. Nəsimi Rayon İcra Hakimiyyətindən isə bildiriblər ki, həmin ərazidə köhnə binalar dövlət sifarişi ilə sökülür, pilot layihə kimi sakinlərə yeni tikiləcək evlərdə mənzillər veriləcək və mənzillər hazır olana qədər kirayə pulu ödəniləcək. "Əslində, sakinlər bu variantla razılaşmışdı, indi necə olur ki, şikayət edirlər?" - deyə İcra Hakimiyyətinin təsərrüfat şöbəsinin əməkdaşı Ramiz Qasımov bildirdi.
loading...
SORĞU
Оцените работу движка
Лучший из новостных
Неплохой движок
Устраивает ... но ...
Встречал и получше
Совсем не понравился

Temperatur enəcək, çaylarda daşqın olacaq - Umayra Tağıyeva
Bakıda 5 milyon dollarlıq İNANILMAZ TOY: 3 gün, 3 gecə... - FOTO/VİDEO
“Kontakt Home” yeni qazanc əldə etmə mexanizmi, və ya RYTN ilə şərik haqqsız qazanc əldə etmə ...
Siyəzən bələdiyyəsinin sədrindən ACIQLAMA: "Deyir ogluma toy eləmək istəyirəm, torpaq ver satım"
“AZƏRBAYCANDA UŞAQ PULU BƏRPA EDİLMƏLİDİR" - FAZİL MUSTAFA
ƏN ÇOX OXUNANLAR
FOTOFAKT
Bakıda yeni doğulmuş körpəni zibil yeşiyinə atdılar
Bakının Yasamal rayonunda gülünc mənzərə – Problem zibillikdən daha betərdir…
Avropa oyunlarında Gürcü idmançının cinsi orqanını dişlədiyinə görə idmandan birdəfəlik qavuldulan ERMƏNİ Avropa Appelyasiya Məhkəməsini necə uddu?
Agcəbədidə blıqlar qırılır
Zakatala meşələri qan aglayır