MOSSAD İranda ermənilərdən bu cür istifadə edb – Şok faktlar

Hazırda Tehranın siyasi dairələrində İsrail kəşfiyyatının İran xüsusi xidmət orqanlarına və ordusuna aid məlumatlara yüksək dəqiqliklə necə çıxış əldə etməsi ilə bağlı fəal müzakirələr gedir.

Axar.az Vesti.az-a istinadla xəbər verir ki, bu məlumatların toplanmasında İranda yaşayan bir neçə erməni əsas rol oynayıb.

“Təxminən 6-7 ay əvvəl Qərb ölkələrinin birində yaşayan erməni diasporunun tanınmış nümayəndələrindən biri Tehrana gəlib. O, böyük biznes yaratmaq bəhanəsi ilə əksəriyyəti yerli ermənilərdən ibarət komanda yaradıb.

Daha sonra həmin diaspor rəhbəri bir neçə həftə Ermənistanda olub, orada da yeni şirkət açıb. Həmin şirkət vasitəsilə o, Qərb ölkələrindən, xüsusən də Fransadan Ermənistana ərzaq məhsulları ixrac etməyə başlayıb. Bu mallar daha sonra erməni şirkəti vasitəsilə yenidən İrana satılıb.

Beləliklə, İran ordusunun yüksək rütbəli zabitləri ilə daimi əlaqə şəbəkəsi qurulub. Ticarət böyüdükcə əlaqələr şəxsi və hətta ailə bağlarına çevrilib.
"Məhz ordunu ərzaqla təmin edən bu erməni şirkətinin və onun rəhbərinin köməyi ilə mühüm məxfi məlumatlar əldə edilərək qarşı tərəfə ötürülüb”, - məlumatda qeyd olunub.

Bildirilib ki, bu müddət ərzində Ermənistan hakimiyyəti də kənarda qalmayıb.