"Necə yəni bir var-yox qardaşı olana şəhid ailəsi statusu verilmir?" - Aqil Abbas

Milli Məclisin deputatı Aqil Abbas parlamentin plenar iclasında uşaq evində böyüyən şəhid Səbuhi Əhmədovun qardaşına şəhid ailəsi statusunun verilməməsi məsələsindən danışıb.

Deputat çıxışında həmin şəxsə şəhid ailəsi statusunun verilməsini təklif edib.

“Axı bu, nə qanundur? Necə yəni bir var-yox qardaşı olana şəhid ailəsi statusu verilmir? Ailəli birinə necə bir otaq verilə bilər? Şəhid qardaşına iki otaq verilməsi böyük işdir? Xahiş edirəm ki, sədr (Sahibə Qafarovaya müraciətlə - red.) kimi həmin ailə diqqətə alınsın və ona iki otaq verilsin. Həmçinin şəhid ailəsi statusunun verilməsinə kömək edəsiniz”. //report//