NATO: Təhlükə yaradan Rusiya təyyarələri vurulmalıdır

“NATO ölkələri Rusiya hərbi təyyarələrini yalnız təhlükə yaratdıqları halda vurmalıdırlar, digər hallarda isə onları nəzakətlə müşayiət edib alyansın hava məkanından çıxarmalıdırlar”.

Teleqraf xəbər verir ki, bu barədə NATO baş katibi Mark Rutte bildirib.

“Rusiya təyyarələrini yalnız ona görə vurmamalıyıq ki, onlar bizim hava məkanımıza daxil olublar. Proporsional şəkildə hərəkət etməliyik. Əgər həmin təyyarə təhlükə yaradırsa, onu vurmalıyıq, amma təhlükə yaratmırsa, sadəcə, nəzakətlə müşayiət edib geri qaytarmalıyıq”, - baş katib deyib.

Baltikyanı ölkələrin Rusiya təyyarələrinə hücum etmək çağırışlarına cavab verən Mark Rutte qeyd edib ki, NATO ordu və hava qüvvələri baxımından Rusiyadan ölçüyəgəlməz dərəcədə güclüdür, buna görə də proporsional davranmalıdır.