Təcili!!! DÜŞMƏN TƏŞVİŞDƏ: Ermənistan darmadagın oluna bilər...

"Müdafiə Nazirliyinin ordumuzun uğurları haqqında son yaydığı görüntülər ordumuzun gücünü və düşmən təxribatının qarşısının qətiyyətlə alındığını göstərir”.

Bunu Sherg.az-a Azərbaycan qoşunlarının qarşıdurma xəttində, düşmənə məxsus bölmənin mühafizə olunan komanda müşahidə məntəqəsi və müşahidə qülləsinin optik qurğusunu məhv etməsini şərh edərkən millət vəkili Aydın Mirzəzadə deyib.

O bildirib ki, Ermənistan Azərbaycan torpaqlarında ilk növbədə silahlı qüvvələrini yerləşdirdiyinə görə, özünü çox narahat hiss etməyə başlayıb:

"Son yayılan videolardan göründüyü kimi Ermənistanın hərbi güclərinin dağıdılması ən müasir silahların hesabına həyata keçirilir və çəkiliş edilir. Bir daha demək olar ki, Ermənistan Azərbaycan qarşısında artıq ciddi seçimini etməlidir. Ya torpaqları azad etməlidir, ya da vaxtaşırı Azərbaycan silahlı qüvvələri tərəfindən belə ağır zərbələr alacaq.

Hərbi əməliyyatların başlanmasına qaldıqda isə, bu situasiya ilə bağlı həll edilən məsələdir. Azərbaycan problemin həllinə çalışır və bunun üçün bütün imkanlardan istifadə edir. Ötən il aprel döyüşləri də göstərdi ki, hərb variantı heç zaman istisna deyil.

Ümumən götürdükdə Ermənistan diplomatik sahədə olduğu kimi hərbi sahədə də Azərbaycana uduzur. Azərbaycanın düşmənə vurduğu zərbələr erməni rəhbərliyini ciddi narahat edir”.