Bakıda evlərin qiyməti kəskin UCUZLAŞDI

Bakıda - daşınmaz əmlak bazarında qiymətlərin kəskin ucuzlaşması müşahidə olunur.
Bu haqda məlumatı vipemlak.az-ın eksperti BiG.AZ-a açıqlamasında bildirib. Ekspertin sözlərinə görə, buna səbəb hazırda paytaxtda həyata keçirilən “Pilot layihə” çərçivəsində qəzalı binaların sökülməsindən dolayı mənzil sahiblərinə yeni evlərin verilməsidir.
Ekspert onu da əlavə edib ki, kirayə evlərin də qiyməti aşağı düşüb. Bu halın nə qədər davam edəcəyi isə hələlik bəlli deyil.
Qeyd edək ki, Nazirlər Kabinetinin 8 oktyabr 2015-ci il tarixli “Bakı şəhəri Sabunçu rayonunun sosial-iqtisadi inkişafının sürətləndirilməsinə dair əlavə tədbirlər barədə” qərarına əsasən Bakı şəhəri Sabunçu Rayon İcra Hakimiyyəti “Pilot layihə” formatında 5 il müddətinə mülki, mənzil və şəhərsalma və tikinti qanunvericiliklərinin tələblərinə əməl etməklə, şəhərin ümumi görünüşünə xələl gətirən, qəzalı vəziyyətdə olan və mövcud şəhərsalma normalarına cavab verməyən yaşayış binalarının, habelə sosial və digər təyinatlı qeyri-yaşayış obyektlərinin sökülməsi və yenidən qurulmasını, ərazi və ərazi hissələrinin müfəssəl planlarının hazırlanmasını və təsdiqini, habelə yeni tikiləcək yaşayış binalarının və qeyri-yaşayış obyektlərinin layihələrinə razılığın, tikintiyə və tikinti obyektinin istismarına icazənin verilməsini təmin etməlidir.