Ağsu rayonunun Gəgəli kəndində şəhidlərin xatirəsinə xiyaban salınıb
gundem / region
01:46
8.11.2021
1 000
Ağsu Rayon Gəgəli kəndi daima öz ziyalıları və elm adamları ilə respublikamızda tanınıb. Ağsunun ən böyük kəndi olan Gəgəlidə çox sayda müəllimlər, həkimlər və hakimlər və bir sıra dövlət xadimləri yetişib.
Bu şəxsiyyətlərdən biri son zamanlar böyük xeyriyyə işləri ilə tanınan Fiday Orucovdur. Fiday müəllim doğma kəndi Gəgəli üçün böyük işlər görmüşdür. Kənd qəbiristanlığında aparılan yenidənqurma və təmir işləri, kənd yollarının çəkilməsi, əhaliyə içməli su verilməsində əməyi danılmaz olan Orucovun ən möhtəşəm işlərindən biri Gəgəli şəhidlərinin adına salınmış parkın tikintisinə olan dəstəyidir. Daima imkansız ailələrə dəstək olan Fiday müəllim Gəgəli üçün bu şərəfli layihənin həyata keçməsində maraqlı olub. Hər birimizin qarşısında borclu olduğumuz şəhidlərin xatirəsini əbədiləşdirmək üçün görülən bu iş əhali tərəfindən də alqışla qarşılanıb. Kənd camaatı xeyriyyə işlərini həyata keçirən bu xeyirxah insana daima duaçı olacaqlarını bildirirlər.
Qeyd edəkki, şəhidlər parkının açılışı geniş şəkildə həyata keçirildi. Tədbirdə rayon İcra hakimiyyətinin başçısı Rövşən Bağırov və digər dövlət rəsmiləri iştirak etdilər.
Bizdə Xeberci.org olaraq ilk növbədə şəhidlərimizə rəhmət diləyirik. Eli-obası üçüm xeyriyyə işləri görən Fiday Orucova Allahdan can sağlığı uzun ömür diləyirik
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.