Ağsu rayon İcra Hakimiyyətinin başçısı Ərəbmehdibəy kəndində vətəndaşlarla görüş keçirib

Ağsu rayon icra hakimiyyətinin başçısı Ənvər Seyidəliyev hüquq-mühafizə orqanlarının, əlaqədar idarə və təşkilat rəhbərlərinin iştirakı ilə Ərəbmehdibəy kəndində vətəndaşlarla görüş keçirib.


Səyyar qəbulda vətəndaşlar Ağsu-Kürdəmir magistral avtomobil yolunu Ərəbmehdibəy kəndi ilə əlaqələndirən 13 km yolun əsaslı təmiri, transformator yarımstansiyasına ayrıc qoyulması, kəndin içməli su şəbəkəsində yeni bulaqların quraşdırılması və digər yerli əhəmiyyətli sosial problemlərin həlli ilə əlaqədar xahiş və təkliflər səsləndiriblər.

Vətəndaşların müraciət və təklifləri araşdırılaraq nəzarətə götürülüb və onların icrası ilə bağlı aidiyyəti vəzifəli şəxslərə müvafiq tapşırıqlar verilib.