Kiyev Donbasın blokadasını elan etdi

Ukrayna prezidenti Pyotr Poroşenko Milli Təhlükəsizlik və Müdafiə Şurasına Donetsk və Luqansk “xalq respublikaları” ilə nəqliyyat əlaqəsini tamamilə dayandırmağı təklif edib.
azerinform.az UNİAN agentliyinə istinadən xəbər verir ki, Pyotr Poroşenkonun çıxışı dövlət başçısının saytında dərc edilib.
“Milli Təhlükəsizlik və Müdafiə Şurasına işğal olunmuş ərazilərlə nəqliyyat əlaqəsinin tamamilə dayandırılmasını haqqında qərar qəbul etməyi təklif edirəm. Bu qadağa işğalçılar tərəfindən oğurlanmış Ukrayna müəssisələrinin Ukraynanın yurisdiksiyasına qaytarılacağına qədər davam edəcək”, - Poroşenko deyib.
Ukrayna prezidenti vurğulayıb ki, “DXR” və “LXR”in təklif etdiyi şərtlərlə işləməyə razılaşan müəssisələr sanksiyalara məruz qalacaqlar.