HACIQABUL. ELƏ YAZ KI...

Son vaxtlar Hacıqabul Rayon Mərkəzi Xəstəxanasının (RMX)baş həkimi Beydulla Qarayev haqqında bəzi mətbuat orqanlarında çeşidli və qərəzli yazılar yayımlanır. Həmin məlumatları araşdırmaq məqsədiylə Hacıqabulda olduq. Deyilənləri, yazılanları dəqiqləşdirməyə çalışdıq.


Qeyd edək ki, Hacıqabul Rayon Mərkəzi Xəstəxanasınasında faktiki olaraq vəziyyət heç də yazılanlarda göstərilən kimi deyil. Əksinə, burada durum tamam fərqlidir və bunu bilmək üçün alim-filan olmağa da ehtiyac yoxdur. Bir az özünə əziyyət verib 130 km məsafə qət edib Hacıqabula təşrif buyurmaq kifayətdir.

Yox, əgər bəzi həmkərlarım Hacıqabula gəlmək istəməyib, kənardan «qarmaq» atmaq eşqindədirlərsə, o zaman yazdıqlarımızı diqqətlə oxuyub, vəziyyətdən hali olsunlar.

Aydın məsələdir ki, hər bir mətbuat orqanının özünün dəsti-xətti, marağı və istəyi var. Amma bütün bunları da bir araya gətirmək üçün ədalətl mövqe lazımdır. Çünki yazılan yazılardakı qərəz göz çıxardığı qədər, maraq da ədalətsizliyin fövqündə dayanmış şəkildə görsənir.


Bu bir həqiqətdir ki, Hacıqabul Rayon Mərkəzi Xəstəxanasının həyatında vəziyyət çox dəyişib. Hacıqabulluların ciddi-cəhdlə gözlədiklərini hazırkı baş həkim bir-bir yerinə yetirməkdədir. Bunun üçün xəstələrlə söhbətləşmək kifayətdir ki, baş həkimə, görülən işlərə hansı müsbət qiymət verildiyini müəyyənləşdirmək mümkün olsun.

Azərbaycan səhiyyəsi sürətli inkişaf yolundadır. Aydın məsələdir ki, bütün bunlar Ulu Öndər Heydər Əliyev və onun layiqli davamçısı Cənab Prezident İlham Əliyevin səhiyyə sahəsinə göstərdikləri ugurlu siyasətin məntiqi nəticəsidir.

Bildirək ki, sürətli inkişaf yolunda olan saglamlıq ocaqlarından biri də məhz Hacıqabul Rayon Mərkəzi Xəstəxanasıdır. Hazırda bu nümunəvi tibb ocagına rəhbərlik edən Beydulla Qarayevin Prezident İlham Əliyevin səhiyyə sahəsində verdiyi əmr və tapşırıqlarını operativ və dəqiqliklə yerinə yetirməsi sayəsində xəstəxana daha da inkişaf edərək olkənin ən nüfuzlu səhiyyə müəssisələrindən birinə cevrilib.

Beydulla Qarayev deyir ki, son illərdə səhiyyə sahəsində böyük uğurlarımız var. Xəstəxanamız yaxın keçmişdə tikilib istifadəyə verilib və ən əsası müasir standartlara cavab verən avadanlıqlarla təchiz edilib. Bu gün elə bir əməliyyat, müalicə üsulu yoxdur ki, onu həyata keçirmək mümkünsüz olsun. Mütəxəssislər bizdə yaradılan şəraitə heyrətlənirlər. Məhz bütün bu inkişaf yönümlü siyasətin davam etməsi üçün cənab İlham Əliyevə minnətdar olmalıyıq.

Bəli, bu gün Hacıqabul MRX-nın qazandıgı ugurlarda məhz Baş həkimi Beydulla Qareyevin əməyi böyükdür. Beydulla Qareyev elə insanlardandır ki, onların həyatı, fəaliyyəti elinə, xalqına, vətəninə xidmətə həsr olunur. Müdriklər demişkən, xalq üçün, vətən üçün yaşanan ömür əsl insan ömrüdür. Belə insanların ömrü çətin, mənalı və şərəfli, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək, səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, təcrübəli baş həkim olan Beydulla Qareyevdir.

Təəssüf ki, bəziləri, xüsusən də mətbuatda olanların bir qismi bunları görmək istəmirlər. Kor və bədnam xülyalarını həqiqət kimi qəbul etdirməyə çalışırlar.
Görməyə göz hamıda var. Yetər ki, yaxşını yaxşı görməyə istək olsun. Əyri prizmadan məqsədli fikirlər yazana da, yazdırana da, barəsində yazılana da ziyan gətirir.
Həmkarlarımıza demək istərdik ki, heç bir “etibarlı mənbə” Hacıqabul Rayon Mərkəzi Xəstəxanasının coxsaylı kollektivini, rayon əhalisini əvəz edə bilməz. Getdik, gördük və yazırıq. DÜZÜ DÜZ, ƏYRİNİ ƏYRİ...

AZƏRİNFORM.