“Nar” Gəncə sakinlərini ödənişsiz danışıq dəqiqələri və SMS-lə təmin etdi”
iqtisadiyyat
16:35
23.10.2020
1 195
“Nar” Gəncədə yaşayan abunəçilərini ödənişsiz danışıq dəqiqələri ilə təmin edib. Doğmaları ilə rahatlıqla ünsiyyət qura bilmələri üçün Gəncədə yaşayan bütün “Nar” abunəçilərinin balansına mobil operator tərəfindən 100 ölkədaxili dəqiqə və 100 SMS yüklənilib.
Qeyd edək ki, mobil operator bundan öncə də cəbhəyanı ərazilərdə olan istifadəçilərinə dəstək olmaq və onların ruh yüksəkliyinə töhfə vermək məqsədilə, Milli Müstəqillik Günündə minlərlə “Nar” ödəmə kartlarının və Azərbaycan bayraqlarının paylanılmasını təşkil edib. Eyni zamanda cəbhəyanı rayonlarda yaşayan abunəçilərin balansına “Nar” tərəfindən 100 ölkədaxili dəqiqə və 100 SMS yüklənilib.
“Nar” bundan sonra da sosial öhdəliyinə sadiq qalaraq, Azərbaycanın ərazi bütövlüyü uğrunda davam edən hərbi əməliyyatlar dövründə zərərçəkmiş əhaliyə dəstəyini davam etdirəcək. Azərbaycan Ordusunun gücü və şücaəti sayəsində haqq mübarizəmizin qələbə ilə başa çatacağına və işğal altında olan torpaqlarımızın azad ediləcəyinə əminik. Qələbə bizimdir!
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.