SİZ DƏ TANIYIN: “Yeni şans”ın şansı gətirməyən "BAŞ REDUKTURU" - Gurşad Buxara oglu Vəliyev əslində KİMDİR?

Bu gün Azərbaycan mətbuatının rəngarəngliyi, mətbu nəşrlərin müxtəlif adlar altında fəaliyyət göstərmələri və s. onu söyləməyə əsas verir ki, dövlətimiz tərəfindən yaradılmış hər cür şərait və çoxsaylı media qurumlarının varlığı, həqiqətən də cəmiyyətimizin informasiya təminatında əsas rol oynayır. Amma elə media qurumları var ki, onların rəhbərliyində duranların fəaliyyətləri cəmiyyətimizin informasiya təminatı ilə deyil, birbaşa təminatsızlığı ilə məşğul olmaqdadır. Belə mətbu nəşrlərdən və adı hallanan şəxslərdən biri də, heç zaman bəxti və şansı gətirməyən, necə deyərlər adı olub, özü olmayan "Yeni şans” qəzeti və onun rəhbərliyində duran Gurşad Buxara oglu Vəliyev adlı şəxsdir. Bir sayı belə işıq üzünə həsrət qalan "Yeni şans"ı qalxan edib idarə və müəssisələrdə, xüsusilə məktəblərdə at oynadan Gurşad "müəllim" sözün həqiqi mənasında dələduzluqla məşguldur.

Bu yöndə məlumatları Realxeber.org saytına çatdıran mənbə bildirir ki, "Yeni şans” qəzetinin və onun rəhbərinin şansı nə yazıqlar ki, heç vaxt gətirmir. Buna səbəb, adı hallanan mətbu nəşrin baş redaktorunun "xrustal geyimi” və "xrustal davranışı” ilə əksəriyyətdən fərqlənməsidir. Çünki, Gürşad Vəliyev sözdə guya jurnalistika ilə "məşğul" olsa da, əslində o, redaksiyasının ünvanı bilinməyən zurnalistlərdəndir. Buna səbəb, onun pul qazanmaq hərisliyi ilə atdığı addımların varlığıdır. Belə ki, əldə etdiyimiz məlumatlara görə onun ceşidli-ceşidli üsullarla məmurlardan pul qoparmasıdır.

Məsələn, bu üzdəniraq zurnalist ilk öncə təhsil ocağı və digər müəssisələrlə bağlı məlumatları yaxın təmasda olduğu redaksiyalara "ötürür", yəni "şpion” rolunu oynayır. Redaksiyalara çatdırdığı məlumatlar əsasında açıqlamalar işıq üzü gördükdən az sonra isə Gürşad Vəliyev ayrı-ayrı rəhbər şəxslərin, məktəb direktorlarının, baxca müdirlərinin, özəl klinika və digər vəzifə sahiblərinin hüzuruna baş çəkib bildirir ki, "səndən filan sayt, yaxud da filan mətbu orqan yazıb. Mən sizi "barışdıra” bilərəm” deyərək minbir rola girir və belə bir fırıldaqla qarşı tərəfdən bir qədər pul qopardıqdan sonra, hətta bir neçə gün "qeybə də çəkilir”. Belə bir "addımları" ilə Azərbaycan jurnalistikasında "silinməz izlər” buraxan Gürşad Vəliyev nail olduğu bu cür "yaradıcılığı” ilə, hazırda adını daha çox məşhurlaşdırmaqdadır. Odur ki, hər bir idarə, müəssisə, təşkilat rəhbərlərinə və digər vəzifə sahiblərinə bildirmək istəyirik ki, onun belə bir "yaradıcılığından” yararlanmasınlar. Əksinə bu əlləm-qəlləm adamcıqdan ehtiyatlı olmaq daha cox məsləhətdir.

"Şpion” roluna girərək ayrı-ayrı redaksiyalara "danos”lar daşıyan və olmayan redaksiyasının adından əksər vəzifə sahiblərinə rəngarəng diplomlar paylamaqla, müəyyən gəlirlər əldə edən "Yeni şans”ın şansız baş redaktoru, hal-hazırda adını bu yöndə də məşhur etməkdədir. Hələ onun müxtəlif simalarla bağlı işıq üzü görən kitabları qapı-qapı idarə-müəssisələrə paylamaqla qət etdiyi məsafələri hesablasaq, bəlkə də həmin yolların uzunluğu neçə yüz min kilometrlərlə ölçülər. Bu haqda VİDEO-MATERİALLARI, başqa ŞOK OLAYLARI növbəti sayımızda sizə təqdim edəcəyik.

P.S. Son anda xəbər tutduq ki, bu zurnalist indi də AZERİNFORM.AZ saytının adından "maşenniklik" etməklə məşguldur. Redaksiya ilə əlaqə saxladıq. Ordan bizə bildirdilər ki, baş redaktor belə-belə işlərinə görə onu bir aydan coxdur ki, "iti məsciddən qovan kimi" işdən qovub... Ancaq bu adamcıgın abrı-hayası yoxdur...

Açıqlamada adı çəkilən şəxsin də, mövqeyini dinləyə bilərik.

Ardı var...

AZERİNFORM.AZ