“Yetər artıq, Tramp!” – 7 ölkə ABŞ-a ultimatum verdi

Avropanın yeddi ölkəsi ABŞ-a Rusiya siyasətində dəyişiklik etməsi üçün çağırış ediblər.

Globalinfo.az xəbər verir ki, bu barədə “Le Monde” məlumat yayıb.

Ukrayna, Böyük Britaniya, Fransa, Çexiya, Litva, Latviya və Estoniyadan olan nümayəndələr birgə bəyanat yayaraq ABŞ Prezidenti Donald Trampı və Konqresi Rusiyanın təcavüzünə qarşı qətiyyət nümayiş etdirməyə səsləyiblər.

Sənəddə “sakitləşdirmə siyasəti” qəti şəkildə pislənib və Rusiyanın terrorçu rejimi ilə bağlı vahid, sərt mövqe tutulmasının vacibliyi vurğulanıb.
Bildirilib ki, Ukraynanın suverenliyi heç bir xarici təzyiq və ya kompromisin mövzusu ola bilməz.

Parlament rəhbərləri həmçinin NATO-nu Ukraynanı dərhal Alyansa qəbul etməyə və Avropa İttifaqına üzvlük prosesini sürətləndirməyə çağırıblar. Onlar 1938-ci il Münhen səhvini təkrarlamamağın vacibliyini qeyd ediblər.