"Müstəmləkəçi Fransa demokratiya və ədalət vəd edən beynəlxalq təşkilatlara üzv olmamalıdır" - HƏQİQƏTƏN DƏ...
dunya
04:24
16.01.2024
638
Biz fransız neokolonializminin ifşa olunmasını və fransız müstəmləkələrinin Fransanın zülmündən azad olunması prosesini dəstəkləyəcəyik”. Bu barədə Azərbaycan Respublikasının prezidenti İlham Əliyev yerli KİV-lərə müsahibəsində danışıb. Əslində biz heç bir zaman Fransa ilə dost olmamışıq, amma düşmənliyimiz də olmayıb. Sadəcə uzun illər ATƏT-in Minsk qrupu adı altında gözümüzə 27 il "kül üfürüb". O qədər… Azərbaycan işğal altında olan torpaqlarını geri qaytardıqdan sonra hər şey dəyişdi…
Milli Məclisin deputatı Müşfiq Cəfərov Bizimyol.info xəbər portalına açıqlmasında bildirib ki, Azərbaycan təqribən otuz il ərzində işğal altında qalan torpaqları geri qaytardı, bu müddətdə Fransa erməni terroruna şərtsiz dəstək nümayiş etdirdi. Halbuki Minsk qrupu kimi bilinən vasitəçi qrupda üzvlüyünə görə onun ciddi neytrallıq göstərəcəyi gözlənilən idi.
Deputatın fikrincə, bu dəstək əlbəttə ki, Fransada siyasətə və KİV-ə aktiv şəkildə cəlb olunan güclü erməni diasporunun olması ilə, həm də getdikcə Fransa siyasətinə daha çox təsir göstərən Fransa sağçılarının münaqişədən istifadə etməsi ilə də əlaqələndirilə bilər. Lakin bütün hallarda münaqişənin ədalətli həlli üçün yaradılan Minsk qrupunun üzvü olan bir ölkə bitərəfliyini qorumalı idi.
Müşfiq Cəfərov hesab edir ki, Fransa Azərbaycanın qələbəsindən, yəni keçmiş Qarabağ məsələsinin ədalətli həll olunmasından o qədər narahat idi ki, bunu açıq şəkildə nümayiş etdirməkdən çəkinmirdi.
“Bildiyiniz kimi ötən ilin sonunda Fransanın Azərbaycandakı səfiri Ann Buayon Xarici İşlər Nazirliyinə çağırılıb. Fransa Səfirliyinin iki əməkdaşının diplomatik statuslarına uyğun olmayan və “Diplomatik əlaqələr haqqında” 1961-cı il Vyana Konvensiyası ilə ziddiyyət təşkil edən fəaliyyətinə görə Azərbaycan hökuməti tərəfindən “persona-non-grata” elan olunduğu Fransa səfirinin diqqətinə çatdırılıb, həmin şəxslərin 48 saat ərzində Azərbaycan ərazisini tərk etməsi tələb edilib və XİN-in müvafiq notası Fransa səfirinə təqdim edilib. Bununla bir daha Qərbin demokratiya və ədalət prinsipi iflasa uğradı. Düşünürəm ki, bu qədər ifşadan sonra Fransa hər hansı demokratiya və ədalət vəd edən beynəlxalq təşkilatlara üzv olmamalıdır”-deyən deputat əlavə edib ki, tarix boyu müstəmləkə siyasəti yürüdən ölkənin 21-ci əsrdə də buna cəhdi və terrorçuları dəstəkləməsi gözlənilən hal olsa da, açıq şəkildə beynəlxalq hüquqa ziddir.
Milli Məclisin deputatı Müşfiq Cəfərov Bizimyol.info xəbər portalına açıqlmasında bildirib ki, Azərbaycan təqribən otuz il ərzində işğal altında qalan torpaqları geri qaytardı, bu müddətdə Fransa erməni terroruna şərtsiz dəstək nümayiş etdirdi. Halbuki Minsk qrupu kimi bilinən vasitəçi qrupda üzvlüyünə görə onun ciddi neytrallıq göstərəcəyi gözlənilən idi.
Deputatın fikrincə, bu dəstək əlbəttə ki, Fransada siyasətə və KİV-ə aktiv şəkildə cəlb olunan güclü erməni diasporunun olması ilə, həm də getdikcə Fransa siyasətinə daha çox təsir göstərən Fransa sağçılarının münaqişədən istifadə etməsi ilə də əlaqələndirilə bilər. Lakin bütün hallarda münaqişənin ədalətli həlli üçün yaradılan Minsk qrupunun üzvü olan bir ölkə bitərəfliyini qorumalı idi.
Müşfiq Cəfərov hesab edir ki, Fransa Azərbaycanın qələbəsindən, yəni keçmiş Qarabağ məsələsinin ədalətli həll olunmasından o qədər narahat idi ki, bunu açıq şəkildə nümayiş etdirməkdən çəkinmirdi.
“Bildiyiniz kimi ötən ilin sonunda Fransanın Azərbaycandakı səfiri Ann Buayon Xarici İşlər Nazirliyinə çağırılıb. Fransa Səfirliyinin iki əməkdaşının diplomatik statuslarına uyğun olmayan və “Diplomatik əlaqələr haqqında” 1961-cı il Vyana Konvensiyası ilə ziddiyyət təşkil edən fəaliyyətinə görə Azərbaycan hökuməti tərəfindən “persona-non-grata” elan olunduğu Fransa səfirinin diqqətinə çatdırılıb, həmin şəxslərin 48 saat ərzində Azərbaycan ərazisini tərk etməsi tələb edilib və XİN-in müvafiq notası Fransa səfirinə təqdim edilib. Bununla bir daha Qərbin demokratiya və ədalət prinsipi iflasa uğradı. Düşünürəm ki, bu qədər ifşadan sonra Fransa hər hansı demokratiya və ədalət vəd edən beynəlxalq təşkilatlara üzv olmamalıdır”-deyən deputat əlavə edib ki, tarix boyu müstəmləkə siyasəti yürüdən ölkənin 21-ci əsrdə də buna cəhdi və terrorçuları dəstəkləməsi gözlənilən hal olsa da, açıq şəkildə beynəlxalq hüquqa ziddir.
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.