Həyat yoldaşının parlamentdə işləməsi haqda məlumat qalmqala səbəb oldu...

Fransada prezident seçkilərinə 2 ay qalmış sağların namizədi Fransua Fiyon və onun ailəsi ətrafında qalmaqal yeni mərhələyə keçib. İlkin təhqiqatlardan sonra, ölkə prokurorluğunun maliyyə cinayətləri üzrə şöbəsi 24 fevralda büdcə vəsaitlərinin xərclənməsi faktı ilə əlaqədar cinayət işinin açıldığını elan edib. İş üç məhkəmə təhqiqatçısına tapşırılıb. Fiyonun xanımı və uşaqlarının parlamentdə saxta işə düzəldilməsində şübhələr var. Siyasətçinin vəkilləri təhqiqatın sonunda Fransua Fiyon və xanımı Penelopanın bəraət qanacağına əmin olduqlarını bildirmişlər.
24 fevralda axşam saatlarında Fransa prokurorluğu sağ qüvvələrin namizədi Fransua Fiyonun seçkiqabağı kampaniyasını kifayət qədər çətinləşdirəcək cinayət işinin açıldığı barədə bəyatan verdi. Cinayət işinin dövlət vəsaitlərinin xərclənməsi, mülkiyyət və gəlirlər haqda deklorasiyanın tələblərinin pozulması maddələri ilə açıldığı bildirilir. Bu cür deklorasiya tələbləri deputatlar, nazirlər və yüksək vəzifəli məmurlara qarçı irəli sürülür.
Bir ay ərzində prokurorluq "Le Canard enchaine" qəzetinin Penelopa Fiyonun uzun illər öz həyat yoldaşının deputat köməkçisi işləməsi haqda məlumatlarını yoxlamaq istiqamətində fərdi təhqiqatını aparmışdır. Nəticələrə əsasən prokurorluq birbaşa məhkəməyə müraciət edə, yaxud əlavə təhqiqat barədə müstəntiqlərə göstəriş verə bilər.
Bütün qalmaqal cari ilin 25 yanvarında "Le Canard enchaine" satirik qəzetinin Penelopa Fiyonun parlamentdə işləməsinə dair indiyədək məlum olmayan məlumatı dərc etməsindən sonra başlamışdır.

azerinform.az