Əfqan Qəribovun daha bir BƏD ƏMƏLİ ÜZƏ CIXDI - ŞOK FAKT

Bir müddət əvvəl mediada xəbər verilmişdi ki, sahibkar Novruz Gülməmmədov Şamaxı Regional Meşə Təsərrüfat Birliyinin rəhbəri Əfqan Qəribov, Xanmusa və Sabir adlı meşəbəyilərdən Korrupsiyaya Qarşı Mübarizə İdarəsinə şikayət edib. O, şikayətində həmin şəxslərin sahibkarlıq fəaliyyətinə mane olduqlarını, Basqal meşələrini şəxsi təsərrüfatları kimi idarə etdiklərini, sahibkarlardan qeyri-qanuni olaraq haqq yığdıqlarını bildirdi.

Korrupsiyaya Qarşı Mübarizə İdarəsi məsələyə operativ yanaşaraq, sahibkarın təqdim etdiyi faktlara əsasən cinayət işinə başladı. Hazırda nazirliyin vəzifəli şəxsləri barədə cinayət işi davam etdirilir.

Haqqında cinayət işi davam edən Şamaxı Regional Meşə Təsərrüfatı Birliyinin sabiq rəhbəri Əfqan Qəribovun daha bir əməlı üzə cıxıb. QAYNAR.MEDIA-nı məlumatlandıran sahibkar Novruz Gülməmmədov bildirir ki, Əfqan Qəribov vəzifəsindən sui-istifadə edərək işə "ölü canlar" götürüb və onların adına əməkhaqqı yazaraq mənimsəyib: "Məsələn faktlardan birini deyim. Əfqan Qəribov İsmayıllı rayonunun Qalacıq kənd sakini Elvin Bədirov adlı bir şəxsi birliyə sucu vəzifəsinə işə götürüb və maaş kartın da qoyub cibinə. Sonradan nazirliyə şikayət etdiyimi bilib və kartı qaytarıb sahibinə. 6 saylı Regional Ekologiya və Təbii Sərvətlər idarəsinin rəis müavini Nəriman müəllimin sorgu-sualı zamanı Elvin ümumiyyətlə işlədiyi işin nədən ibarət oldugunu belə bilmədi. Təsəvvür edin 10 il bundan əvvəl birliyin balansında olan su matorları, nasoslar silinib., Ancaq Əfqan müəllim olmayan nasos və matorları "işlətməyə" işci təyin edir?! Yüz hektarlarla meşələri qırıb talan edirlər bəs eləmir, gözləri doymur, belə cirkin əməllərə də qol qoyurlar"

Maraqlı oldugundan şıkayətcinin iddia etdiyi faktı araşdırmaq ücün Şamaxı Regional Meşə Təsərrüfatı Birliyinin rəisi vəzifəsini müvəqqəti icra edən Ramin müəllimlə telefon əlaqəsi saxladıq. Əvvəl səmimi danışdı, bu müvəqqəti vəzifəyə təzə təyin olundugunu bildirdi. Əvvələr də bu idarədə müxtəlif vəzifələri daşıdıgını qeyd edərək ondan hazırda birliyin balansında motor, nasos və onları işlədən işci varmı soruşduqda nədənsə duruxdu, mən təzəyəm axı, rəsmi müraciət göndərin cavablandıraq,. dedi. Daha şərhə ehtiyac duymadıq.

R.S
Yazı capa gedərkən sahibkar Novruz Gülməmmədov QAYNAR.MEDİA- ya bildirdi ki, İsmayıllı rayon 6 saylı Regional Ekologiya və Təbii Sərvətlər idarəsinin rəis müavini Nəriman Cüriyevdən Şamaxı Regional Meşə Təsərrüfatı Birliyinin balansında hec bir motor və su nasoslarının olmadıgı barədə rəsmi məlumat almışdır.

Ardı var...

QAYNAR.MEDİA