ABŞ-da ATIŞMA: çoxsaylı qurbanlar var - VİDEO - YENİLƏNDİ

WFTV telekanalı Federal Təhqiqatlar Bürosuna (FTB) istinadən silahlı da daxil olmaqla 5 nəfərin həlak olduğunu xəbər verib. Hadisənin terrorizmlə bağlı olmadığı deyilir. CNN-nin məlumatına görə, atışma şəhərətrafında sənaye zonalarından birində baş verib. Hadisənin baş verdiyi ərazidə bir neçə küçədə hərəkət məhdudlaşdırılıb.
***
ABŞ-ın Florida ştatının Orlando şəhərində atışma baş verib.
Publika.az “Röyters” agentliyinə istinadən xəbər verir ki, şerifin ofisindən çoxsaylı qurbanların olduğunu bildiriblər.
“Şerif ofisinin əməkdaşları hadisə yerində işləyirlər, vəziyyət nəzarət altına alınıb. Çoxsaylı qurbanlar var. Şerif ilk fürsətdə əlavə məlumatı açıqlayacaq”, - şerifin ofisinin Tvitter səhifəsində deyilir.