İlham Həsənin saxlandığı barədə xəbər yalan çıxdı - Müsavat Partiyasının mətbuat xidmətindən ACIQLAMA / Video

Almaniyaya Ukraynadan ucuz işçi qüvvəsi gətirilməsi ilə bağlı Almaniyanın bəzi şəhərləridə polis əməliyyatları keçirilib.

Bu zaman bəzi azərbaycanlı miqrantlar da saxlanılıb.

BIA.az xəbər verir ki, bu barədə Almaniya mətbuatında məlumat yayılıb. Qeyd edilib ki, biri 49 digəri 57 yaşında olan iki azərbaycanlı miqrant da saxlanılıb. Saxlanılanlardan birini Əlövsət Əliyev olduğu təsdiqlənib. Digərinin Müsavat üzvü Mehdi Xəlilnəyli olması barədə Meydan TV saytı məlumat yayıb.

Saxlanılanların arasında “Leqat” İnteqrasiya Mərkəzinin rəhbəri Əlövsət Əliyev, Müsavatın Avropadakı Koordinasiya Mərkəzinin rəhbəri İlham Həsən, həmçinin fəallar Abdin Cavadov, Rəşad Məmmədov, Elşən Abdullayev və 9 və 14 saylı koloniyanın keçmiş rəhbəri Elçin Əkpərov da olduğu iddia edilib.

Əlövsət Əliyevin oğlu Türkel Rüstəmxanlı atasının noyabrın 13-də Berlinə gedərkən saxlanıldığını Turan-a təsdiqləyib.

Amma digərləri barədə xəbər hələ təsdiqlənməyib.

Müsavat Partiyasının mətbuat xidməti açıqlama yayaraq bildirib ki, İlham Həsənin saxlanması haqında xəbər yalandır.

“İlham Həsənin özü ilə danışdım. Bildirdi ki, saxlanmayıb, yalan məlumatdır” – Müsavat mətbuat xidmətinin rəhbəri Mustafa Hacıbəyli bildirib.

Açıqlamada həmçinin qeyd edilir ki, sosial mediyada həbs olunduğu bildirilən və müsavatçı kimi qeyd edilənlər arasında, həbsi barədə heç bir məlumat olmayan və Müsavat üzvü olmayan şəxslər də var: “Məsələn, Müsavat üzvü kimi qeyd edilən Rəşad Məmmədov, nəinki Müsavat üzvü DEYİL, uzun müddət Müsavat AKM və müsavatçılar əleyhinə kampaniya aparan şəxsdir. Bizdə olan ilkin məlumata görə, bəzi evlərdə olan axtarışlar və saxlanmalar məhz onun şikayəti əsasında həyata keçirilib. Xüsusilə sosial mediada yayılan məlumatlarla bağlı araşdırmalar davam edir. Yaxın vaxtlarda daha dəqiq məlumatlar veriləcək”.

“Almaniyada mükəmməl ədalət mühakiməsi sistemi mövcuddur.
Əminik ki, günahı olanlar cəzalarını alacaq hünahsızlar isə sərbəst buraxılacaq. Barəsində nəinki məhkəmə hökmü olmayan, hətta saxlanması barədə məlumatlar dəqiqləşməmiş şəxslər barədə kampaniya başlamağa tələsmək lazım deyil” – deyə açıqlamada bildirilir.Basta


Basta