Amerika demokratlarından bəhs edən boş kitab

Amerikalı jurnalistin “Demokratlara səs vermək üçün səbəblər” kitabı ən çox satılan kitab olub.
azerinform.az XəzərXəbər-ə istinadən məlumat verir ki, kitabın müəllifi Michael J.Knowles “Daily Wire” saytının əməkdaşıdır. Onun “Reasons To Vote For Democrats” kitabı mündəricat və ədəbiyyat siyahısı istisna olmaqla 266 boş səhifədən ibarətdir.
Jurnalistin öz büdcəsi hesabına dərc etdirdiyi kitab dünyanın ən böyük internet satış saytı olan “Amazon”da ən çox satılan kitablar arasına düşüb.
Saytda kitaba verilən xülasədə belə deyilir: “Demokratlar partiyasının bu zamana qədər meydana gələnlər içərisində ən dəqiq və nizamlı tərifi”.
Kitabın özündə verilən xülasə isə 1 sözdən ibarətdir: “Hərtərəfli”.
Xatırladaq ki, ötən il noyabrın 8-də prezident seçkilərində Respublikaçılardan olan Donald Tramp demokratlardan Hillari Klintonu üstələyərək qalib gəlib.