Ağsuda çaşqınlıq yaradan qara qüvvələr və onların çirkin niyyəti
---
20:46
1.11.2023
252
Bir neçə gün öncə Ağsu Rayon Ülgüc kənd sakini 1992-ci il təvəllüdlü Babayev Rabil Kamal oğlu yaşadığı evdə özünü ağacdan asaraq intihar edib. Rabil Babayev Vətən Müharibəsi iştirakçısı olub. Bu hadisə bütün rayon ictimaiyyətini üzüb. Vətəndaşların şəhidə, qaziyə, müharibə iştirakçısına olan sevgi rəğbətindən, sui istifadə etməyə çalışan bəzi "mətbuat orqan"ları məsələyə başqa don geydirməyə çalışırlar. Məsələnin əsas səbəbini bilərəkdən başqa yönə çevirmək istəyən insanların təbii ki, niyyət və məramını anlamaq elə də çətin deyil. Rayon rəhbəriliyini məsələdə günahkar çıxarmaq, baş verən hadisənin məhz onların diqqətsizliyindən, qayğı göstərməməsindən qaynaqlandığını dönə dönə vurğulayaraq,yalnış informasiyanı əhaliyə ötürməyə çalışırlar.
Əslində olanları istənilən vətəndaş gözəl bilir, anlayır. İstər ölkə başçısı Cənab Prezident İlham Əliyev tərəfindən, istərsə də Ağsu Rayon İcra Hakimiyyətinin başçısı Rövşən Bağırov tərəfindən daima şəhid və qazi ailələrinə, müharibə iştirakçılarina sonsuz diqqət və qayğı göstərilir. İstər onların işlə təmin olunmasında, istərsə də maddi vəziyyətlərinin normal olmasına çalışılır həmişə. İstənilən işə qəbulda ilk öncə şəhid və qazi ailələrinə seçim və işə qəbul üçün şərait yaradılır. İlk öncə onların işlə təmin olunması əsas məqsəd olur. Yerli məşğulluq idarələrində təklif edilmiş iş yerinin istənilməməsi halında onlara özünüməşğulluq proqramına qoşulmaq təklif olunur. Bir neçə ay öncə Ağsu Rayonunda kifayət qədər müharibə iştirakçısı kənd təsərrüfatı və digər sahələrin inventarları ilə təmin olundu.
Biz media nümayəndələri olaraq dəfələrlə Ağsu Rayon İcra Hakimiyyətinin başçısı Rövşən Bağırovun keçirilən qəbullarında iştirak etmişik. İstər Rayon İcra Hakimiyyətindəki qəbullarda istərsə də rayonun kəndlərində keçirilən səyyar qəbullardan vətəndaşlar son dərəcə məmnun qalıblar hər zaman. Çünki onların qaldırdığı məsələlərin, yaşadıqları çətinlik və problemlərin həllinə çalışılıb. Bunu qəbullardan sonra müsahibə götürdüyümüz, fikrini öyrəndiyimiz çox vətəndaş rahatlıqla söyləyib.
Bu səbəbdəndir ki, bəzi səhifələrin, media orqanlarının görülən müsbət işlərə göz yumması,başqa səbəblərdən baş verən hadisələrə müxtəlif don geydirməyə çalışması başa düşülən deyil. Biz hər zaman dövlət və dövlətçiliyimizi, vətəndaşların təhlükəsiz firəvan yaşayışını düşünən Cənab Prezidentin siyasətini dəstəkləyir, göstərişlərini layiqincə yerinə yetirməyə çalışan şərəfli məmurlarımız təqdir edirik.
Allah bütün dünyasını dəyişən şəhidlərimizə, qazilərimizə, müharibə iştirakçılarımıza rəhmət eləsin.Sonda onların adından istifadə edərək reytinq qazanmaq istəyən, vətəndaşlarımızın həssasiyyəti ilə oynamağa çalışan hər kəsi qınayırıq...
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.