Şər və Böhtan yazanlara tutarlı cavab
---
18:31
11.06.2023
390
10.06.2023-cü il tarixdə “Ağsudan Xəbər” adlı sosial şəbəkədə rayonun bir neçə vəzifəli şəxsinin qumar oynadıqları üçün tutularaq Ağsu Rayon Polis Şöbəsinə aparıldıqları barədə həqiqətə uyğun olmayan yazı dərc olunmuşdur. Həmin yazıda adı çəkilən şəxslərdən biri də, guya Ağsu Rayon İcra Hakimiyyəti Başçısının müavini Elçin Məmmədovdur. Media nümayəndəsi olaraq həmin məsələ ilə bağlı Elçin Məmmədovla əlaqə saxladıq. Elçin Məmmədov bizə bildirdi ki, qeyd olunan hadisə barədə məlumatsızdır və Polis Şöbəsinə aparılmayıb. Verilən yazının qarayaxma, şər-böhtandan başqa bir şey olmadığını nəzərimizə çatdırmışdır. Bildiririk ki, həmin səhifə Ağsu rayonunun iqtisadi inkşafına kölgə salan yazılar yazmaqla məşğuldur. Yazılan yazılar vəzifəli şəxsləri hörmətdən salaraq, onların işgüzar nüfuzuna ziyan vurmaqdanibarətdir.
Biz rayon sakinləri ilə mütəmadi olaraq əlaqədə olan insanlarıq. Elçin Məmmədovu biz və rayon əhalisi yaxşı tanıyırıq. Sosial Müdafiə Fondunda işləyən vaxtdan indiyə qədər işlədiyi bütün qurumlarda özünəməxsus hörməti, nüfuzu olan bir insandır. Onun yaxın çevrəsində qumara meyilli olan şəxs və ya şəxslər yoxdur.
Elçin Məmmədovu yaxından tanıyan hər bir kəs o yazıda Elçin müəllimin adının hallanmasının yalnız ədavət və şəxsi prinsiplərdən irəli gəldiyini anlayır.
Media nümayəndələri olaraq adı çəkilən səhifəni yazılan məlumatların ciddi araşdırılaraq paylaşılmasına, hər hansı şəxsi ədavət ucbatından kimlərisə qaralamaq, şər böhtan xarakterli məlumat paylaşmamağa çağırırıq. Son da onu da, qeyd edək ki, Elçin Məmmədov Azerinform.az vasitəsilə müraciət edərək bildirib ki, adının çəkildiyi bu qərəzli yazı barədə məhkəməyə iddia ərizəsi ilə müraciət edəcək.
P.S. Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.
Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.
Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - gözəl insan, xeyriyyəçi Ağsu İcra Hakimiyyəti Başçısının müavini Elçin Məmmədovun keçdiyi mənalı ömür yoluna qısa da olsa, nəzər salmağa çalışacağıq.
Ağsu İcra Hakimiyyəti Başçısının müavini Elçin Məmmədov qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Elçin Məmmədovun diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Elçin Məmmədov səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, Ağsu İcra Hakimiyyəti Başçısının müavini Elçin Məmmədova biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Ağsu İcra Hakimiyyəti Başçısının müavini Elçin Məmmədovdur. Ağsu İcra Hakimiyyəti Başçısının müavini Elçin Məmmədov peşəkarlığı və qayğıkeşliyi ilə seçilən insandır.
Şərəfli vəzifəyə yiyələnən Elçin Məmmədov bu işin müqəddəsliyini qoruyub saxlayır. Elçin Məmmədov kömək etdiyi hər kəsin rəğbətini qazanan insanlardandır.
Elçin Məmmədov Ulu Öndər Heydər Əliyevin siyasi kursuna daim sadiqdir. Heç bir təmanna güdmədən, tutduğu vəzifədən asılı olmayaraq, vəzifədə olub-olmamasından asılı olmayaraq prezident İlham Əliyevə, dövlətə və dövlətçiliyimizə sabit, stabil, sadiq adamdır.Elçin Məmmədov insanlara maksimum diqqət və qayğıyla yanaşır, onların problemlərini həll edərək, onların dövlətimizə və Prezidentimizə inamını artırır!
Elçin Məmmədov bütün işləri yüksək professionallıqla və böyük operativliklə icra edir! Bunun sirri onun professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır!
Ona etibar edilən bütün işlərdə Elçin Məmmədov özünü doğruldub. Bizdə hörmətli Elçin Məmmədovu dövlətimizə, xalqımıza şərəfli xidmətində yeni-yeni uğurlar diləyirik.
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.