Ermənistan Azərbaycana müraciət edib...

Ermənistan aprelin 2-də keçiriləcək parlament seçkilərini izləməyə müşahidə missiyası göndərmək üçün Azərbaycana müraciət edib.
E-gazaet.org APA-ya istinadən xəbər verir ki, Ermənistanda keçiriləcək parlament seçkilərini izləmək məqsədilə müşahidə missiyası göndərilməsi üçün baş nazir Karen Karapetyanın imzası ilə MDB üzvü olan bütün ölkələrə məktub ünvanlanıb.
Bu barədə İrəvanda jurnalistlərə açıqlamasında məlumat verən MDB İcraiyyə Komitəsi sədrinin müavini Viktor Quminski bildirib ki, dəvət bütün üzv ölkələrə göndərilsə də, yalnız Rusiya, Türkmənistan, Qazaxıstan, Ukrayna və Belarus dəvəti müsbət cavablandırıb.
Həmin ölkələrdən ümumilikdə 76 müşahidəçi Ermənistanda parlament seçkilərini izləyəcək.