Balakəndə asayisin qorumasi etibarli əllərdədir - FOTO

Vəzifəsini vicdanla yerinə yetirən, təmsilçisi olduğu dövlətin, hakimiyyətin, xalqın və prezidentin etimadını yüksək səviyyədə doğrulda bilən məmur problemi tarixən olmuş və gələcəkdə də olacaqdır. Bu problem yeni yaranmış gənc dövlətlərdə daha qabarıq şəkildə özünü biruzə verməkdədir. Təşəbbüskar Azərbaycan vətəndaşı, ictimai-siyasi proseslərdə ciddi şəkildə iştirak edən bir insan kimi, bu problem məni həmişə düşündürüb. Qəti qərara gəlmişəm ki, yaxşılara yaxşı deməyin, onların əsl qiymətini verməyin zamanı çoxdan yetişib.

Yaxşıların yaxşı olduğunu deməklə kimin-kim olduğunu deyirik, yaxşılara yaxşı deməklə onları daha böyük işlər görməyə ruhlandırırıq. Digərlərini isə yaxşılardan nümunə götürməyə səsləyirik.

Balakən rayon polis şöbəsinin rəisi, polis polkovniki Çingiz Aslanovun Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir. Maraqlıdır ki, onun adı ölkənin kütləvi informasiya vasitələrində az da olsa çəkilsə də, mahiyyət etibarı ilə onun həyatı və fəaliyyəti barədə ətraflı və dolğun informasiya əldə etmək elə də asan deyil. Bəlkə də bu Cingiz müəllimin müəyyən özəllikləri ilə əlaqədardır. Onu yaxından tanıyan bir çox insanlar bu halı onun yüksək təvazökarlığı və diqqət mərkəzində olmaqdan heç də xoşlanmaması ilə də əlaqələndirirlər. Əlbəttə ki, bu keyfiyyətlər hər bir insana yalnız baş ucalığı gətirə bilər.



... İnsan öz əqidəsini elan kimi divardan asmamalıdır. Balakən rayon polis şöbəsinin rəisi, polis polkovniki Çingiz Aslanovu tanıyanlar tanıyır, tanımayanlar üçün ərz edirik ki, o, vətəni, dövləti, xalqı uğrunda fədakarlıq göstərən əqidə adamıdır.

Balakən rayon polis şöbəsinin rəisi, polis polkovniki Çingiz Aslanovun fəaliyyətində ən ali məqam Ali baş komandana və cənab nazirə sədaqət, xalqa hörmət və ehtiramdır.

Dövlətçiliyin möhkəmləndirilməsi, ölkə əhalisinin təhlükəsizliyinin və ictimai asayişin təmin olunması, vətəndaşların müraciətlərinə həssaslıqla yanaşılması daxili işlər orqanları əməkdaşlarının xidməti fəaliyyətinin əsas istiqamətlərindəndir. Ölkə rəhbəri cənab İlham Əliyevin rəhbərliyi ilə bütün sahələrdə mütərəqqi addımlar atılır, qanunçuluğun möhkəmləndirilməsi istiqamətində təqdirəlayiq işlər həyata keçirilir. Bu gün qonşu ölkələrlə müqayisədə Azərbaycanda ictimai-siyasi vəziyyət sabitdir. Asayişimiz çox gözəl qorunur. Təbiidir ki, asayişin qorunmasında Daxili İşlər Naziri cənab Vilayət Eyvazovun rolu peşəkar polis rəhbəri kimi hamımız tərəfindən təqdir edilir və alqışlanır.

Qeyd edək ki, Balakən rayonunda asayişin təmin edilməsində, cinayətkarlıqla mübarizədə polis son illər əzmlə çalışır. Sözsüz ki, bu uğurların təmin olunmasında peşəkar polis polkovniki, fəaliyyətini dövlətə və xalqa şərəflə xidmət prinsipləri üzərində quran polis rəisi Çingiz Aslanovun əməyi misilsizdir. O, rayona polis rəisi təyin olunduqdan sonra ilk olaraq bir çox açılmamış cinayət işlərinin isti izlərlə acılması peşəkar rəis kimi onu əhalinin sevimlisinə çevrdi. Bəşəriyyətin bəlası olan narkomaniyaya qarşı amansız mübarizə aparan rəis bu sahədə də ciddi uğurlara əl ataraq hamının rəğbətini qazandı. Onun məqsədyönlü fəaliyyəti nəticəsində rayonda oğurluq və qətl hadisələri əsaslı şəkildə azalmış oldu. Bütün bu sadaladığımız faktlar Cingiz müəllimin peşəkar polis rəisi kimi gecə-gündüz çalışması hesabına baş vermişdir.



Cingiz müəllim əsl polis işçilərinə məxsus sərt intizama, dəmir iradəyə malik olmaqla yanaşı, həmdə əhali ilə təmaslarda sadə davranışa malik bir rəisdir. Bu rayonda istənilən vətəndaşı dinəlməyi və maksimum olaraq onların problemlərini yoluna qoymağı hədəfləyən rəis bu alicənab davranışları hesabına ağsaqqalların , ziyalıların və bütün kateqoriyadan olan insanların rəğbətini qazanmışdır. Mütəmadi olaraq, yerlədə vətəndaşları dinləyən Cingiz müəllim ona ünvanan müraciətlərə həssaslıqla yanaşır. Bu gün rayonda qanunun aliliyinin qorunmasında, vətəndaş hüquq və azadlıqlarının təmin olunmasında müsbət dinamika müşahidə olunur. Məktəblərdə Cingiz müəllimin birbaşa təşəbbüsü və iştirakı ilə müntəzəm olaraq maarifləndirici görüşlər, tədbirlər keçirilir. Narkomaniyanın fəsadları, erkən nigahların mənfi tendensiyaları, dini radikalizmin qlobal bir bəla olduğu şagirdlərə aşılanır.

Cingiz müəllim vətənpərvər bir insan kimi bir çoxlarına nümunə olaraq Qarabağ müharibəsi veteranlarının da əzizinə cevilib. Şəhid ailələrinə, müharibə iştirakçılarına hər zaman xüsusi qayğı ilə yanaşan polis polkovniki Çingiz Aslanov ölkə rəhbərliyinin və daxili işlər nazirinin etimadını hərtərəfli doğruldur.



Bu gün ölkə rəhbəri cənab İlham Əliyevin rəhbərliyi ilə sürətli inkişaf yolunu tutan ölkəmizin sükanı etibarlı əllərdədir. O cümlədən asayişin qorunması Balakəndə ən yüksək səviyyədədir. Səxsi heyət uzrə rəis muavini polis polmovnik leytnantı Elcin Musayev, əməliyyat üzrə müavin, polis polkovnik leytnanti Gunduz Məcidov, xidmet üzrə muavin Elxan Zamanov gecəli-gündüzlü iş başındadırlar. Bəli, təhlükəsiz şəraitdə yaşamagımız üçün ilk növbədə asayiş keşikçiləri olan polisin rolu danılmazdır. Asayişin təmin olunmasında, vətəndaşların hüquq və azadlıqlarının qorunmasında misilsiz xidmətlərinə görə başda Nazirimiz Vilayət müəllimə və onun sadiq, inanılmış, peşəkar kadrı olan Balakən rayon polis şöbəsinin rəisi, polis polkovniki Çingiz Aslanova uğurlar arzulayırıq.

Baloglan Mirzəli,
Şair-publisist.
Azerinform.az