Ağdam məktəbində şagird intihara vadar edilir-VİDEO

Cəbhə bölgəsində yerləşən Ağdam rayonunun Birinci Yüzbaşılar Kənd orta məktəbində vətəndaşlar tək ermənilərin deyil, yerli rəhbərliyin də təzyiqləri ilə üzləşməkdədir. Adışəkilən tam orta məktəbin riyaziyyat müəllimi Vüsal Əliyev bir müddət öncə mətbuat konfransı keçirərək məktəbdə baş verən ciddi nöqsanlar barədə aidiyyatı qurumlara müraciətlət etsə də, rayon RTŞ tərəfindən aparılan yoxlamalar zamanı həqiqətən də neqativ hallar üzə çıxarıldı və məktəb direktoru vəzifəsindən azad olunmalı halda rayon rəhbərliyinin ona edilən himayədarlığı sayəsində, sadəcə onun barəsində töhmət elan edildi. Bu gün sizlərə təqdim edəcəyimiz video müraciətdə isə məktəbin 11-ci sinif şagirdi Nəsibov İlhami Umud oğlu məktəbin direktoru və digər şəxslər tərəfindən intihar dərəcəsinə çatdırıldığını bildirir. Buyurun, diqqətlə izləyərək Ağdam rayonunda yaşanılan bu qeyri-insani olayın şahidi olun. İnanırıq ki, məsələ ilə əlaqədar olaraq həm ölkə rəhbərliyi, həm də təhlükəsizliyimizə məsul olan qurumlar tərəfindən ciddi tədbirlər görüləcəkdir. Adıçəkilən məktəbin direktoru Polad Zeynalovun himayədarı kimi tanınan Ağdam Rayon İcra Hakimiyyəti başçısı Raqub Məmmədovun da məsələyə münasibətini gözləyəcəyik... Mövzu diqqətimizdədir. İlqar Çərəkə, azerinform.az