Bütün xəbərlər

Ağsu rayonunda Səməndər Rzayevin 75 illiyi qeyd olunub

Ağsu rayonunda Səməndər Rzayevin 75 illiyi qeyd olunub


Ağsu Rayon İcra Hakimiyyətinin dəstəyi, mədəniyyət mərkəzinin və mərkəzi kitabxananın təşkilatçılığı ilə Əməkdar artist, Dövlət mükafatı laureatı Səməndər Rzayevin 75 illiyi qeyd olunub. Mərkəzi kitabxananın oxu zalında keçirilən tədbirdə ziyalılar, sənətkarın yaxın dostları, onun sənətini sevənlər iştirak ediblər.
Şəhər mədəniyyət evinin metodisti Eyvaz Bayramov vaxtilə Azərbaycan radiosunda “Bulaq” verilişinin aparıcısı kimi yadda qalan Səməndər Rzayevin həyat və yaradıcılığı barədə danışıb. Bildirib ki, 1945-ci il yanvarın 2-də Ağsu şəhərində dünyaya göz açan sənətkar 1964-1968-ci illərdə Azərbaycan Dövlət Teatr İnstitutunun (indiki ADMİU) dram və kino aktyorluğu fakültəsində təhsil alıb. Onun ilk sənət müəllimləri Rza Təhmasib, Mehdi Məmmədov, Ədil İsgəndərov və başqaları olub. Aktyor klassiklərdən M.F.Axundzadənin ”Müsyö Jordan və dərviş Məstəli şah” (Hatəmxan ağa), Hüseyn Cavidin “Xəyyam” (Xacə Nazim), “Knyaz” (Knyaz), “İblis” (İbn Yəmin), C.Cabbarlının “Aydın” (Balaxan), C.Məmmədquluzadənin “Dəli yığıncağı” (Fazil Küleyni), S.Vurğunun “Vaqif” (Vaqif), “İnsan” (Valentin) tamaşalarında müxtəlif xarakterli rolları məharətlə ifa edib.
Çıxış edənlər Səməndər Rzayevin “Evləri köndələn yar”, “Yollar görüşəndə”, “Sarıköynəklə Valehin nağılı” və digər televiziya tamaşalarında, “Babək”, “Babamızın babasının babası”, “Bağ mövsümü”, “Bəyin oğurlanması” filmlərində yaratdığı maraqlı obrazlar barədə danışıblar. 1986-cı il martın 27-də həyatının çiçəklənən dövründə dünyasını dəyişən Səməndər Rzayevin xidmətləri layiqincə dəyərləndirilib.
Tədbirdə sənətkarın uşaqlıq dostları, məktəb yoldaşları Seyfəddin Abdullayev, Nurulla Nuriyev, Cəmaləddin Zeynalov, Maarif Şikar uzaq illərin xatirələrini bölüşüblər.
Günel Şıxəliyevanın ifasında ağsulu yazar Sərvər Şahbəylinin “Üzün gülsün, ay Səməndər, haradasan” şeiri böyük maraqla dinlənilib. Sonda Səməndər Rzayevin yaradıcılığına həsr olunan videoçarx nümayiş etdirilib.

Ağsu rayonunda Səməndər Rzayevin 75 illiyi qeyd olunub
loading...
SORĞU
Оцените работу движка
Лучший из новостных
Неплохой движок
Устраивает ... но ...
Встречал и получше
Совсем не понравился

“Təcili Yardımdan dedilər ki, bir maşın tapın, uşağı özünüz aparın...”
AYLİN BALA AD GÜNÜN MÜBARƏK! Sevinc başının tacı, kədər ayağının tozu olsun! - TƏBRİK
"Insanın taleyinə belə biganə yanaşmaq olmaz" - ANA HAQQI MÜDAFİƏ ETDİ
Ağsuda zəlzələdən qəzalı vəziyyətə düşən evlərin təmiri və yenidən tikilməsi davam etdirilir - VİDEO
Pensiyalarla bağlı İNANILMAZ TƏKLİF: 63-yaşa endirilməli və Amerikada olduğu kimi...
ƏN ÇOX OXUNANLAR
FOTOFAKT
Bakıda yeni doğulmuş körpəni zibil yeşiyinə atdılar
Bakının Yasamal rayonunda gülünc mənzərə – Problem zibillikdən daha betərdir…
Avropa oyunlarında Gürcü idmançının cinsi orqanını dişlədiyinə görə idmandan birdəfəlik qavuldulan ERMƏNİ Avropa Appelyasiya Məhkəməsini necə uddu?
Agcəbədidə blıqlar qırılır
Zakatala meşələri qan aglayır