"Vaxtınızı özünüzə sərf edin. Tənbəlliyin, paxıllığın daşını atın. Məşğul insanın başqalarını güdməyə vaxtı olmur. Canlı yayımlara girib gic-gic yazanlar, niyə yaşayırsınız? Niyə xəcalətdən ölmürsüz?"
Bu sözləri müğənni Nura Suri sosial şəbəkədə onun barəsində təhqir yazanlara ünvanlayıb:
“Sözüm instaqram və feysbukda hər paylaşımın altına şərh yazmağı özünə borc bilən və yazdıqlarında tərbiyə, mədəniyyət və dünya görünüşü nümayiş etdirənlərədir. Yazıb kimisə təhqir edəndə elə bilirsiz ki, sözləriniz həmin şəxsin əhvalını dəyişəcək, kasıblayacaq, kifirləşəcək?
Gülünc gördüyünüzün fərqində deyilsiz, niyə? Paxıllıq, tərbiyəsizlik etməklə qarşınızdakının səviyyəsini endirəcəksiz? Əksinə, həmin insan daha da ucalır. Amma siz aciz və bədbəxt görünürsüz. Məndən sizə məsləhət, mütaliə edin, statusları yox, internetdə maraqlı məlumatlar oxuyun".