Ümummilli Lider Heydər Əliyev həm tarixi yaradan, həm də tarixi şəxsiyyətdir
siyaset
05:27
8.12.2023
2 730
Ümummilli Lider Heydər Əliyev haqqında danışmaq həm çətin, həm də asandır.Çətindir ona görə ki, Heydər Əliyev deyəndə istər əvvəlki, istərsə də sonrakı hakimiyyəti illərindəki inkişaf və nailiyyətlər haqqında danışmaq kiçik bir çıxışa siğmaz.Asandır ona görə ki, Ulu Öndərin hakimiyyəti illərindəki inkişaf və nailiyyətlər kiçikdən böyüyə hər kəsin gözü qarşısında olmuşdur.
Baxmayaraq ki, sovet dövründə müəyyən çətinliklər, müstəqillik illərindəki məlum məsələlər, yəni özlərinə aid vətəni,torpağı,suyu hətta udmağa havası belə olmayan ermənilər başqalarının gücü hesabına torpaqlarımızı işğal etmişdilər. Azərbaycan tarixinin ən qədim dövrünü tədqiq edən arxeologiya,xalqımızın mədəniyyət və məişətinin qədim xüsusiyyətlərini öyrənən etnoqrafiya elmlərinin inkişaf etdirilməsi, ölkəmizdə maddi mədəni irsin qorunması və tədqiqi işləri üzrə əldə edilən böyük uğurlar Ulu Öndər Heydər Əliyevin gördüyü böyük işlərin nəticəsidir.
Arxeoloji tədqiqat işlərinin 100 ildən artıq tarixinin olmasına baxmayaraq geniş miqyaslı tədqiqat işlərinə Heydər Əliyevin hakimiyyəti illərində nal olunmuşdur. Görkəmli arxeoloq alimlərimizin apardığı tədqiqat işləri nəticəsində Azərbaycanın dünyanın ən qədim insan məskənlərindən biri olması elmi əsaslarla sübuta yetirilmişdir.Xalqımızın Maddi mədəni irsinə dair 100 illərlə qədim nümunələr əldə edilərək toplanmışdır. Əsası Ulu Öndər tərəfindən qoyulmuş böyük inkişaf Möhtərəm Cənab Prezident İlham Əliyev tərəfindən uğurla davam etdirilir.
Eyni zamanda Azərbaycan Respublikasının Birinci Vitse Prezidenti, Heydər Əliyev fondunun Prezidenti Mehriban xanım Əliyevanın təşəbbüsü ilə reallaşdırılmış çox saylı layihələr hətta keçirdiyi tədbirlər Ulu Öndər Heydər Əliyevin Azərbaycanın inkişafı və çiçəklənməsi uğrunda gördüyü işlərin davamıdır.
Bu il Ulu Öndərin 100 illik yubileyidir. Lakin neçə yüz illər keçsə də Ümummilli Lider Heydər Əliyev istər keçmiş,indiki,istərsə də gələcək nəslin yaddaşından heç vaxt silinməyəcək və xalqımızın qəlbində Ulu Öndər kimi yaşayacaq.
Hüseynova Töhvə Talış qızı ap.e.i
Tarix üzrə fəlsəfə doktoru, Dosent
Tarix üzrə fəlsəfə doktoru, Dosent
Azerinform.az
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.