Azərbaycan-Rumıniya münasibətlərinin hazırkı səviyyəsi müzakirə olunub

zərbaycanın xarici işlər naziri Elmar Məmmədyarov fevralın 18-də 53-cü Münxen Təhlükəsizlik Konfransı çərçivəsində rumıniyalı həmkarı Teodor-Viorel Meleskanu ilə görüşüb.
Xarici İşlər Nazirliyinin mətbuat xidmətindən AZƏRTAC-a bildirilib ki, görüşdə Azərbaycan ilə Rumıniya arasında ikitərəfli münasibətlərin hazırkı səviyyəsi və müxtəlif sahələr üzrə əməkdaşlığın inkişaf etdirilməsinin perspektivləri müzakirə olunub. Həmçinin ölkələrimiz arasında əlaqələrin daha da gücləndirilməsi üçün birgə səylərin davam etdirilməsinin vacibliyi vurğulanıb.
Azərbaycanın iştirakı ilə həyata keçirilən irimiqyaslı nəqliyyat və enerji layihələri, o cümlədən Şimal-Cənub, Bakı-Tbilisi-Qars, TANAP və TAP layihələri haqqında danışan nazir Elmar Məmmədyarov bu layihələrin Rumıniya üçün faydalı ola biləcəyini söyləyib.
Nazirlər qarşılıqlı maraq doğuran digər məsələlər ətrafında da fikir mübadiləsi aparıblar.