Qobu qəsəbə 11 saylı körpələr evi-uşaq bağçasının müdiri Kamalə Nəcəfova - Uşaqlar dövlətin gələcəyi, xoşbəxtliyidir
olke
01:46
2.12.2025
7
Uşaqların ilk sosiallaşma mühiti, onların şəxsiyyətinin formalaşdığı, dünyanı tanımağa başladığı ən vacib məkanlardan biri məhz uşaq bağçalarıdır. Bu mühüm mərhələdə onları qarşılayan, qoruyan, yönləndirən, sevgini və məsuliyyəti bir arada təqdim edən şəxslər isə dəyərlər sisteminin əsası olan təhsilin ilk pilləsinin qəhrəmanlarıdır. Abşeron rayonu Qobu qəsəbə 11 saylı körpələr evi-uşaq bağçasının müdiri Kamalə Nəcəfova peşəkar təhsil rəhbərlərindən biridir.
Kamalə xanım uzun illərdir ki, məktəbəqədər təhsil sahəsində çalışaraq yüzlərlə uşağın sevgi və qayğı içində böyüməsinə, sağlam və savadlı təməl qazanmasına töhfə verib. Onun rəhbərliyi altında fəaliyyət göstərən körpələr evi-uşaq bağçası bu gün sadəcə tədris müəssisəsi deyil, həm də balacalar üçün xoşbəxt və təhlükəsiz bir ailə mühitidir. Burada uşaqların fərdi inkişafı, sosial bacarıqları, psixoloji rahatlığı və yaradıcı qabiliyyətləri ön planda tutulur. Kamalə Nəcəfovanın idarəçilik fəlsəfəsində hər bir uşaq–bir dünyadır. O, pedaqoji heyətin peşəkarlığının artırılmasına xüsusi önəm verir, tərbiyəçilərin müasir təlim metodlarına yiyələnməsi üçün daim təşəbbüslər göstərir. Eyni zamanda valideynlərlə sıx əməkdaşlıq yaradaraq, ailə-məktəbəqədər müəssisə modelini daha funksional və faydalı formaya gətirib.
Abşeron rayonu Qobu qəsəbə 11 saylı körpələr evi-uşaq bağçasında həyata keçirilən maarifləndirici layihələr, bayram tədbirləri, psixoloji inkişaf proqramları və sağlamlıq yönümlü fəaliyyətlər Kəmalə xanımın işə ürəklə yanaşmasının nəticəsidir. O, bağçanı müasir və innovativ yanaşmalarla yeniləməyə, həm maddi-texniki bazanı gücləndirməyə, həm də təlim-tərbiyə mühitini daha səmərəli etməyə davam edir.
Bağçada tətbiq olunan oyun əsaslı təlim metodları, erkən yaş dövrü üçün uyğunlaşdırılmış interaktiv dərsliklər və rəqəmsal resurslar uşaqların həm fiziki, həm də zehni inkişafına xidmət edir. Məhz bu səbəbdən Qobu qəsəbə 11 saylı körpələr evi-uşaq bağçası valideynlər arasında etibarlı bir təhsil mərkəzi kimi nüfuz qazanıb. Kəmalə xanımın təşəbbüsü ilə bağçada inklüziv təhsilə də xüsusi diqqət yetirilir–xüsusi qayğıya ehtiyacı olan uşaqlar üçün fərdi inkişaf proqramları hazırlanır və sosial adaptasiya mühiti yaradılır. Kamalə Nəcəfova –sadəcə bir direktor deyil, uşaqların xoşbəxt gələcəyinə inanan, onların ilk addımlarını sevgi ilə müşayiət edən əsl maarifpərvərdir. Onun əməyinin nəticəsi isə sabahın savadlı, mədəni və sağlam cəmiyyəti olacaq.Bu gün cox hörmətli Kamalə Nəcəfova, təkcə təhsil sisteminə deyil, eyni zamanda insanlıq dəyərlərinin yaşadılmasına xidmət edən nadir rəhbərlərdən biri kimi cəmiyyətin rəğbətini qazanmaqdadır.
P.S. Azerinform.az kollektivi olaraq Abşeron rayonu Qobu qəsəbə 11 saylı körpələr evi-uşaq bağçasının müdiri Kamalə Nəcəfovaya iş fəliyyətində uğurlar arzulayır, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında göstərdiyi çətin, şərəfli və məsuliyyət tələb edən fəaliyyətində uğurlar arzulayırıq.
Azerinform.az
Oxşar xəbərlər
XƏBƏR LENTİ
© 2014-2023 Azerinform.az
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.