Bolqar və pakistanlı müşahidəçilər Qarabağdakı "referendum" haqqında

Bir müddət əvvəl ABŞ və Kanadadan olan müşahidəçilərin Qarabağda qondarma rejimin keçirdiyi "referendum" barədə dediklərini diqqətinizə çatdırmışdıq. Bu dəfə Bolqarıstan və Almaniyada yaşayan pakistanlı müşahidəçinin "fikirlərini" müzakirənizə buraxırıq. Onlardan biri hətta Azərbaycanın atdığı hüquqi addımların çoxları kimi onu da qorxutmadığını bildirir.

Dağlıq Qarabağda qondurma rejimin keçirdiyi referendum barədə danışarkən Bolqarıstandan olan politoloq, hərbi ekspert Georgiy Kolarov belə demişdir - Seçkilərdə müşahidəçi missiyası ilə ikinci dəfədir Qarabağda oluram və əmin idim ki, hər şey normal, legitim və dünya standartlarına uyğun keçiriləcək. Bundan əlavə, o, prezident B.Saakyanın səlahiyyət müddətinin artırılmasını və tarixi adın - Artsaxın bərpa olunmasını düzgün hesab etdiyini bildirmişdir. Onun fikrincə, Artsax müharibə şəraitində yaşayır və baş komandanın dəyişilməsi düzgün olmazdı. "Zənnimcə, gələcəkdə ermənilər daha bir çox vacib bir məsələni də həll etməlidirlər - iki erməni dövləti olan Ermənistan və Artsaxı bir-birindən ayırmağına dəyərmi?.. Yəqin ki, Artsax Ermənistanın tərkibində olacaq. Azərbaycanın "qara siyahısına" gəldikdə isə, bu, çoxları kimi məni də narahat etmir. Mən dəvət olunduğum vaxtda bura yenə gələcəm" - deyərək, G.Kolarov sözünə davam etmişdir.

Kamal Xan isə əslən pakistanlı olsa da, hazırda Almaniyada yaşayır, hüquq müafiəçisi olaraq fəaliyyət göstərir.

Onun Artsaxa gəlişinin Azərbaycanla Pakistan arasındakı münasibətlərdə hansısa bir narazılıq yarada bilmək ehtimalı barədə soruşduqda, - Pakistan mənim vətənimdir. Lakin mən Almaniyada yaşayıram və vətənimdə yaşayarkən insan hüquqları sahəsində problemləri qaldığım üçün təqib olunurdum və Pakistanı tərk etməyə məcbur oldum. Hazırda Almaniyada yaşayıram - deyərək cavab vermişdir. Daha sonra, o, sözünə davam edərək demişdir: "Buraya gəlməzdən əvvəl Artsax, Azərbaycanın bu bölgəyə təcavüzü, insan hüquqlarını pozması barədə, burada müharibə getdiyini və təhlükəli olduğunu eşitmişdim. Xoşbəxtlikdən tamam başqa mənzərə ilə rastlaşdım. Burada gözəl və yüksək təmin olunmuş ölkə, optimist ruhlu və qonaqpərvər əhali gördüm. Mən buradan pozitiv enerji ilə qayıdacam. İmkan daxilində Artsaxa yenə gələcəm.

azerinform.az